Prasasti Padang Roco

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Arca Amoghapasa ing inggil alasipun ingkang dipun wastani prasasti Padang Roco

Prasasti Padang Roco inggih menika prasasti ingkang dipun temokaken wonten ing taun 1911 ing tlatah kali Batanghari, komplek candi Padangroco, nagari Siguntur, kecamatan Sitiung, kabupaten Dharmasraya, Sumatera Barat. Prasasti menika awujud alas arca Amoghapāśa ingkang sekawan sisinipun wonten manuskrip. Prasasti menika dipun tugel dados sekawan lantun kanthi seratan aksara Jawa Kuna, saha ngginakaken kalih basa, inggih menika (Melayu Kuna saha Sanskerta). Prasasti menika saniki dipun simpen wonten ing Museum Nasional Indonesia ing Jakarta kanthi nomer inventaris D.198-6468 (bagéan alas utawi prasasti) saha D.198-6469 (bagéan arca).[1]

Asal-usul[sunting | sunting sumber]

Prasasti menika kagungan angka 1208 Saka utawi 1286 Masehi, dipun serataken wonten ing arca Amoghapāśa hadiyah saking śrī mahārājādhirāja keṛtanagara wikrama ingkang nyariosaken menawi wonten ing 1208 Saka, prasasti dipun damel ing jamanipun Prabu Kertanagara Raja Singhasari kanthi dhawuhipun Prabu Kertanegara saking Singhasari arca Amoghapasalokeswara dipun pindahkaken saking Bhumijawa wonten ing Swarnabhumin kanggé dipun tetepaken ing Dharmasraya. Kanthi raos bahagéya warga Swarnabhumi nampi arca menika, kang utami Raja Tribhuwanaraja Mauliwarmmadewa.[2]

Isi Prasasti[sunting | sunting sumber]

Isi prasasti menika sampun dipun salin basa déning Prof. Slamet Muljana, isinipun inggih menika:

  1. Bahagéya ! wonten ing taun Saka 1208, wulan Badrawada, dinten sepindha wulan minggah, dinten Mawulu wagé, dinten kemis, wuku Madakungan, mapan raja lintang ing kulon...
  2. ....sakmenika arca paduka Amoghapāśa lokeśwara kanthi sekawan welas pangikut sarta pitu ratna permata dipun bekta saking bhūmi jāwa wonten ing swarnnabhūmi, supados dipun tetepaken ing dharmmāśraya,
  3. minangka hadiyah śrī wiśwarūpa kumāra, kanthi ancas menika pāduka śrī mahārājādhirāja kṛtanagara wikrama dharmmottunggadewa dhawuhi rakryān mahā-mantri dyah adwayabrahma, rakryān śirīkan dyah sugatabrahma saha
  4. samagat payānan hań dīpankaradāsa, rakryān damun pu wīra kanggé ngintunaken pāduka Amoghapāśa. Mugi hadiyah menika ndamel warga ing bhūmi mālayu bahagéya, ugi kalebu brāhmaṇa, ksatrya, waiśa, sūdra, kang utami kanggé para āryya, śrī mahārāja śrīmat tribhuwanarāja mauliwarmmadewa.[1]

Referensi[sunting | sunting sumber]

  1. ^ a b (id)Panemonan Prasasti Padang Roco (dipun unduh 07 November 2012)
  2. ^ (id)Asal-usul Prasasti Padang Roco (dipun unduh 07 November 2012])

Lihat pula[sunting | sunting sumber]