Prangko

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Prangko One Penny

Prangko ing basa latin diarani franco. [1] Prangko yaiku kertas kang ana nduwéni lém ing bagéyan mburi, bentuké kothak lan ana gambaré. [1]Prangko gunané kanggo bukti yèn wis nglakokaké transaksi ing layanan jasa pos kayata ngirim surat utawa layang.[1] Prangko ditémpélaké ing amplop, kertu pos, utawa barang pos liyané sadurungé dikirim. [1]Pembayaran nggunakaké prangko dadi cara mbayar kang paling populer yen kabandingaké cara liyané, kayata nggunakaké aerogram.[1] Prangko kang sepisanan dipublikasékaké tanggal 1 Mei 1840 ing Britania Raya.[1] Nalika iku prangko dadi réformasi pos kang dikenalké karo Rowland Hill.[1] Nganti saiki Britania Raya entuk perlakuan khusus, negara iki dadi siji-sijine negara kang ora perlu ncantumaké jeneng negara ing prangko.[1]

Prangko wujudé kertas kang ana gambaré kang diterbitake karo negara, ing mburiné ana lim kanggo némplékaké.[2] Ing bagéyan ngarep ana tulisan rega kang dadi biaya kanggo ngirim pos.[2] Kanthi némpélaké prangko tegesé béaya kiriman iku wis dilunasi kang ngirim surat lan kang dadi imbalané yaiku pos nduwéni kawajiban kanggo ngirimaké layang iku ing alamat kang dadi tujuwané.[1]

Kagiyatan surat-suratan lam sistem kanggo ngeposké sabenere wis ana nalika durung ana prangko.[2] Saben pamaréntah mbangun sarana lan prasarana kanggo nyukupi kebutuhan perposan.[2] Kayata Jalan Raya Anyer-Panarukan kang dibangun déné gubernur jenderal Hindia Belanda kang jenengé Herman Willem Daendels dikenal kanthi jeneng Jalan Pos Raya.[1]

Prangko gambaré panggonan kang nduwéni sejarah, gambar wong, lan gambar prastawa kang penting.[2] Pernikahan William-Kate uga digawé ing gambar prangko déné pamaréntah Kanada.[2]

Sajarah Prangko[sunting | sunting sumber]

Prangko kang pisanan mujudake asil pikire Sir Rowland Hill kang dibabarake ing Inggris nalika tanggal 6 Mei 1840, lan mujudake prangko pisanan ing donya. Prangko iku nduweni tetandha:

  • Ana gambar sirahe Ratu Victoria.
  • Dicithak kanthi werna ireng.
  • Ana tembung postage ing bageyan dhuwure.
  • Ana tembung one penny ing bageyan ngisore.

Amarga mangsine kang wernane ireng lan tulisan one penny kang nguduhake regane, prangko iku banjur dikenal dening masyarakat amba kanthi sesebutan The Penny Black.

Ana crita nalika metune pamikiran kanggo mbabarake prangko dening Sir Rowland Hill. Ing sawijining dina ana tukang pos kang ngeterake layang menyang bocah wadon. Sawise diamat-amati kanthi teliti, bocah wadon iku marani tukang pos iku mau lan mbalikake layange. Dheweke ora gelem mbayar prabeya pangiriman layang amarga ora nduwe dhuwit. Sir Rowland Hill nyedhaki bocah wadon iku kanthi nakoni kenapa ora gelem nampa layang iku. Ing layang saka pacare iku ana pirang-pirang tanda/kode kang mung dimangerteni dening wong loro iku. Tanpa mbuka isi layange, bocah wadon iku ngerti apa isine. Kaya mangkene kang nggawe Sir Rowland bingung, amarga yen kaya mangkene asring kedaden mula dinas pos bakalan rugi lan misakake nasibe para karyawan-karyawane. Saliyane perkara iku, kang nggawe Sir Rowland mikirake prangko yaiku nalika ketika Sir Rowland nyinauni babagan pajak lan ilmu administrasi, sarta ngamat-amati perkembangan sosial ekonomi ing Inggris nalika iku.

Ing taun 1930, nalika Inggris dadi negara industri, transportasi ngalami kemajuan. Rel sepur mulai dibangun, wiwit saka kulon nganti tekan wetan, saka lor nganti tekan kidul. Nalika iku Rowland Hill mikirake piye carane supaya ngentukake dhuwit kanggo kaskerajaan saka pajak kirim-kiriman layang. Pikiran Rowland Hill uga diganggu karo piwenehan hak kanggo anggota Majelis Rendah lan Majelis Tinggi ing sajroning parlemen supaya bisa ngirim layang kanthi ora mbayar lan tanpa wates. Saliyane iku, sistem pembayaran prabeya dening sing nampa uga ngrugikake dinas pos. Dening Rowland Hill dianggep boros lan ngrugikake kas kerajaan.

Mula ing taun 1837 Rowland Hill usul menyang parlemen, kang isine yaiku.

  • Prabeya ngirim layang kudu didhunake, kanthi mudhune prabeya ngirim layang, cacahe layang kang dikirim bakalan tambah akeh.
  • Supaya masyarakat bisa asring kirim-kiriman layang, perlu ditetapake rega pos kang padha.
  • Supaya ora ana penyalahgunaan prabeya kirim-kiriman layang, prabeya kudu dibayar ing ngarep kanthi nemplekake kertas tandha pelunasan kang saiki dikenal kanthi prangko.

Ing pisanan, pamikiran iki ditentang dening Parlemen. Nanging patang taun sawise iku, ing taun 1840 usule Rowland Hill ditampa dening Parlemen.

Cathetan suku[sunting | sunting sumber]

  1. ^ a b c d e f g h i j (id)indonesianewsonline.com(dipunundhuh tanggal 17 Juni 2011)
  2. ^ a b c d e f (id)internasional.kompas.com(dipunundhuh tanggal 17 Juni 2011)


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Prangko&oldid=830529"