Place de la Concorde

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Place de la Concorde katingal saking Pont de la Concorde, ing ngajeng, Obelisk, ing wingking, Rue Royale lan Gereja Madeleine, ing kiwa, Hôtel de Crillon.

Place de la Concorde inggih punika alun-alun wonten ing Paris, Perancis. Lan dumunung wonten ing arondisemen delapan, ing wétan Champs-Élysées.[1]

Sajarah[sunting | sunting sumber]

Alun-alun punika dipundèsain déning Ange-Jacques Gabriel rikala taun 1755 minangka alun-alun kanthi bentuk oktagon ingkang dipunklilingi déning parit antawising Champs-Élysées ing kilèn lan Tuileries Gardens ing sisih wètan. Dipunkebaki kaliyan patung lan air mancur, papan punika lajeng dipunsukani nama "Place Louis XV" kanggé maringi pakurmatan raja ènggal. Alun-alun punika lajeng dipuntambahaken sawijining patung panunggang turangga raja, ingkang sampun dipunrencanakaken wiwit taun 1748, patung punika wiwitanipun dipunpahat déning Edmé Bouchardon, lan dipunpungkasaken déning Jean-Baptiste Pigalle sasampuning Edmé séda.[2]

Air mancur ing Place de la Concorde. Wingking: Hôtel de Crillon, ing kiwa: Kedutaan Besar Amerika Serikat.

Ing sisih lèr, dipunbangun kalih gedung saking watu ingkang èndah. Dipunpisahaken kaliyan Rue Royale, bangunan punika minangka tuladha paling apik kanggé arsitèktur nalika semanten. Wiwitanipun dipunginakaken minangka kantor pamarèntahan, déné bangunan ing wètan inggih punika Menteri Angkatan Laut Perancis. Boten dangu sasampuning dipunbangun, bangunan ingkang wonten ing sisih kilèn dipunéwahi dados Hôtel de Crillon ingkang méwah (taksih lumampah dumugi sakmenika) ing pundi Marie Antoinette nelasaken wekdal luangipun kanthi santé lan sinau mainaken piano. Hôtel punika dipunginakaken minangka markas Tentara Jerman nalika Perang Donya II.[3]

Nalika kadadosan Revolusi Perancis, patung Raja Louis dipunrisak lan dipunsukani nama "Place de la Révolution". Lan dipunkenal amargi jaman rumiyinipun ingkang kirang saé lan nggegirisi, nalika "Place de Grève" inggih punika papan ing pundi Bourgeoisie dipunhibur kanth mirsani kriminalis ingkang dipunhukum kanthi dipuntugeli urip-urip, lajeng pamarèntah revolusioner mapanaken sawijining guillotine ing mrika. Salah satunggaling tiyang ingkang dipunukum ing Place de la Révolution inggih punika Raja Louis XVI, nalika tanggal 21 Januari, 1793. Kathah tiyang penting ingkang dipunpenggal, kadang kala ing sangajenging panonton ingkang sami sorak-sorak, ing pundi Ratu Marie Antoinette, Ratu Élisabeth, Charlotte Corday, Madame du Barry, Georges Danton, Camille Desmoulins, Antoine Lavoisier, Maximilien Robespierre lan Louis de Saint-Just. [4]

Guillotine punika asring sanget dipunginakaken nalika "Pamarèntahan Teror", nalika musim panas wonten ing taun 1794, nalika 1.300 tiyang dipunpenggal. Satunggal taun candhakipun, nalika revolusi sampun nedahaken kualitasipun, guillotine punika sampun dipunicalaken saking alun-alun lan sampun gantos nama kanthi tandha rekonsiliasi nasional.[5]

Koordinat: 48°51′56″N 2°19′16″E / 48.86556°N 2.32111°E / 48.86556; 2.32111

Cathetan Suku[sunting | sunting sumber]