Pierre Jules César Janssen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pierre Janssen.jpg

Pierre Jules César Janssen (lair ing Paris, 22 Februari 1824 – tilar donya ing Meudon, 23 Desember 1907 kanthi umur83 taun) minangka satunggaling astronom Perancis , ingkang sesarengan kaliyan ilmuwan Inggris Joseph Norman Lockyer, dipunakoni minangka panemu gas helium.

Pagesangan, kerja lan minat[sunting | sunting sumber]

Janssen nyinaoni matematika lan fisika ing Fakultas MIPA. Piyambakipun ngasta wonten ing Lycée Charlemagne rikala taun 1853, lan wonten ing Jurusan Arsitèktur antawising taun 18651871, ananging ènerginipun langkung kathah dipuntujokaken dhateng manéka misi ilmiah ingkang dipunpitadosaken tumrap piyambakipun. Kanthi punika, rikala taun 1857 piyambakipun tindak dhateng Peru kanggé nemtokaken khatulistiwa magnetik; nalika taun 18611862 lan 1864, piyambakipun nliti panyerapan telurium wonten ing spéktrum surya ing Kerajaan Italia lan Swiss; nalika taun 1867 piyambakipun nindakaken percobaan optik lan magnétik ing Azores; piyambakipun kasil ngamataken transit Venus, nalika taun 1874 ing Jepang, nalika taun 1882 ing Oran, Aljazair Perancis; lan piyambakipun tumut wonten ing sarangkèn èkspèdisi gerhana matahari ingkang dangu, kados dhateng Trani (1867), Guntur (1868), Aljazair Perancis (1870), Siam (1875), Kepulauan Caroline (1883), lan dhateng Alcosebre ing Spanyol (1905). Saperlu ningali gerhana wonten ing taun 1870 piyambakipun mlajar saking Paris ingkang kakepung kanthi migunakaken balon (ananging gerhana kasebut kalindhungan awan).[1]

Penemuan helium[sunting | sunting sumber]

Nalika taun 1868 Janssen manggihaken cara kanggé ningali protuberans tanpa kedadosan gerhana. Wonten ing tanggal 18 Agustus wonten ing taun ingkang sami, nalika ningali gerhana matahari ing India, piyambakipun sadar wontenipun garis kuning padhang kanthi dawa gelombang 587,49 nanometer wonten ing spektrum kromosfer matahari. Punika minangka pengamatan kapisanan garis spektrum khusus,lan mungkinaken satunggaling sumber kanggé piyambakipun minangka salah satunggaling unsur ingkang dèrèng kapanggihaken wonten ing Bumi. Janssen wiwitan dipunguyoni amargi boten naté sawijining unsur dipunkenali ing angkasa sadèrèngipun kapanggihaken ing Bumi.

Nalika tanggal 20 Oktober,taun ingkag sami, Norman Lockyer ugi ningali garis kuning ingkang sami ing spektrum surya lan mutusaken bilih bab punika amargi unsur ingkang boten dipunmangertosi, sasampuning kegagalan percobaan kanggé nguji punapa punika minangka jinis hidrogen ingkang énggal. Punika minangka kaping pisanan unsur kimia kapanggihaken wonten ing donya njawi sadèrèngipun kapanggihaken ing Bumi. Lockyer lan ahli kimia Inggris Edward Frankland maringi nama unsur punika kanthi unèn-unèn Yunani kanggé matahari, ἥλιος (helios).[2][3]

Peninggalan lan Pakurmatan[sunting | sunting sumber]

Janssen séda ing Meudon lan dipunsarèkaken ing Pasaréyan Père Lachaise ing Paris.

Kawah ing Mars lan Bulan dipunsukani nama kanggé maringi pakurmatan.

Cathetan Suku[sunting | sunting sumber]

This article incorporates text from the Encyclopædia Britannica Eleventh Edition, a publication now in the public domain.

  1. ^ http://www.hao.ucar.edu/Public/education/bios/janssen.html Biografi singkat, saking High Altitude Observatory Boulder, Colorado
  2. ^ Oxford English Dictionary (1989), s.v. "helium". Dipunundhuh tanggal 16 Desember 2006 saking Oxford English Dictionary Online. UGi saking rujukan ing ngriki: Thomson, W. (1872). Rep. Brit. Assoc. xcix: "Frankland lan Lockyer manggihaken protuberans kuning kanggé nedahaken garis padhang lan nyata boten tebih saking D, ananging dumugi sakmenika dèrèng dipunkenali kanthi sinar Bumi punapa kèmawon. Kadosaipun bab punika nedahaken zat ingkang énggal, ingkang dipunusulaken kanthi nama helium."
  3. ^ Kanggé nama "helium" delengen uga Jensen, William B. (2004). "Why Helium Ends in "ium"". Journal of Chemical Education 81 (7): 944. http://www.jce.divched.org/Journal/Issues/2004/Jul/abs944.html.

Waosan Sambungan[sunting | sunting sumber]

Potret Janssen oleh Jean-Jacques Henner.