Petrus Alphonsi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pedro Alfonso


Petrus Alphonsi utawi ingkang ugi dipunsebat Peter Alfonsi inggih punika satunggaling dhokter Yahudi saking Spanyol, satunggaling pujangga, astronom, lan polemicist ingkang dados Kristen. Petrus Alphonsi miyos wonten ing Musa Sephardi ing abad kaping 11, ing Huesca (satunggaling kitha ingkang taksih mlebet bagéyan saking al Andalus, Spanyol Islam). Piyambakipun inggih umat nasrani lan dipunbaptis ing Huesca ing dinten Santo Petrus, 29 Juni 1106. Petrus inggih miyos minangka tiyang Yahudi nalika piyambakipun dalem wonten ing al Andalus, lan lajeng misuwur sasampunipun piyambakipun mlebet agami kristen.

Wonten ing Dialogus Alphonsi, dipuncariyosaken menawi piyambakipun nate tingakan dhateng Inggris minangka magister ing seni liberal. Piyambakipun dumunung mapinten - pinten taun ing Inggris. Kawontenanipun Alfonsi wonten ing negara kulonan ing taun taun sadèrengipun paring kontribusi wonten ing elmu Arab ing wilayah kasebat ing taun 1120 nan lan salajengipun.[1] Piyambakipun lajeng asring pirembagan bab astronomi sesarengan kaliyan Walcher of Malvern.[2] Petrus lulus saking sistem Arab ing bidhang astronomi. Lajeng kekalihipun kolaborasi lan ngasilaken satunggaling karya ngengingi gerhana.[3]

Alfonsi saged misuwur amargi piyambakipun gadhah tigang dasa cariyos ingkang kaserat ing basa Latin ing purwakaning abad kaping 12. Karya punika inggih awujud kempalan cariyos oriental ingkang ngewrat karakter moral ingkang dipunalih aksarakaken saking basa Arab, Persia, lan Sansekerta. Sapérangan cariyosipun ingkang saged narik kawigatosanipun para pamaos inggih asalipun saking Panchatantra lan Arabian Nights, kalebet bunderan cariyos "Sinbad the Sailor" lan "The Tale of Attaf". Cariyos punika dipunwedalaken kanthi saperangan model didaktik ingkang lajeng dipundadosaken conto dening pujangga sanèsipun ing tengahing abad kalih welas. Kathah kolektor ingkang remen kaliyan karyanipun Alfonsi ingkang populer lan kalebet bahan kajian studi ingkang narik kawigatosan minangka bahan kajian sastra komparatif. Karya punika inggih kanthi irah- irahan disciplina Clericalis. Karya punika inggih wigatos sanget kawontenanipun kanggé ngicalaken cahya wonten ing migrasi dongeng, lan wigatos sanget kangge bahan kajian folklor. Karya punika ugi dipunalihaksarakaken dhateng basa Prancis, Spanyol, Jerman, lan Inggris.

Karyanipun[sunting | sunting sumber]

  • Dialogus contra iudaeos
  • Disciplina clericalis
  • De dracone, wondene ing karya punika piyambakipun nindakaken kalkulasi ewahing lintang - lintang.
  • De Astronomia, ngewrat wontenipun garis- garis astronomi adhedhasar sistem kalender Arab, Persia (Iran), lan Latin. Kanthi wontenipun sistem- sistem kalender kasebut lan dipunbiyantu kanthi wontenipun satunggaling astrolabe, punika ingkang saged damel mungking kangge ngetung kanthi pas kados pundi posisinipun srengenge, bulan lan gangsal planet ingkang sampun misuwur ing wekdal kasebut.
  • Carta a los peripatéticos franceses.

Cathetan Suku[sunting | sunting sumber]

  1. ^ Oxford Dictionary of National Biography, art. "Alfonsi, Petrus"
  2. ^ [1]
  3. ^ PDF, p.19.
Sumber artikel punika saking kaca situs web: "http://jv.wikipedia.org/w/index.php?title=Petrus_Alphonsi&oldid=843174"