Petisi Soetardjo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Petisi Soetardjo (Walanda Petitie Soetardjo) iku sawijining petisi sing diserahaké ing Volksraad Hindia Walanda nalika taun 1936. Jeneng petisi iki asalé saka sing ngusulaké, yaiku Soetardjo Kartohadikoesoemo.

Sajroning dokumèn iki isiné yaiku kapénginan wong-wong Indonésia supaya bisa mardika sajroné 10 taun miturut pasal 1 undhang-undhang dhasar Walanda. Dadi resminé Hindia Walanda utawa Indonésia tetep dadi bagéyan saka Karajan Walanda nanging ndarbèni otonomi amba. Volksraad nampa petisi iki nanging mbusak periode 10 taun iki nanging pamaréntah ing Walanda ora sarujuk. Pungkasané petisi iki ditulak ing taun 1938 amerga pikirané wong Walanda wong Indonésia durung siap.

Akibaté kaum nasionalis dadi gela lan ngadegaké GAPI ing taun 1939. Kabèh partai pulitik nggabung karo GAPI kajaba PNI.

Sumber artikel punika saking kaca situs web: "http://jv.wikipedia.org/w/index.php?title=Petisi_Soetardjo&oldid=821091"