Pethèt
Pethèt uga diarani lamtoro, utawa petai cina.[1] Pethèt nduwéni jeneng latin Leucaena leucocephala.[1] Déné pethet iki kalebu famili Mimesaceae.[1] Tanduran iki ing basa Jawa uga diarani mlanding. [2]Ing Indonésia tanduran pethet kalebu akéh cacahé. [2] Godhong tanduran pethet kerep kanggo pakan kéwan, déné wijiné biyasané kanggo masakan. [2] Saliyané iku kayu pethet kang atos uga kena kanggo kayu obong utawa kanggo masak ing tungku utawa pawon. [2]Ing dhaérah tartamtu ana kang ngunakaké godhong pethèt kang isih nom dadi tamba [tatu]] anyaran.[2]
Bab lan Paragraf |
[sunting] Dhèskripsi
Pethèt kalebu tanduran kang nduwèni wit kang atos, sanajan ukurané ora pati gedhé. [1]Pethet nduwéni godhong majemuk kang manggon ing tangkai kang nduwéni bilah ganda. Kembangé kaya jambul, wernané putih. [1]Kembang pethèt diarani cengkaruk. [1]Woh pethèt amèh padha kaya woh peté kang jeneng latiné Parkia speciosa, ananging ukurané luwih cilik.[1] Pethet uga nduwéni woh kang kulité luwih tipis tinimbang peté.[1]
Pethèt kalebu tanduran polong kang nduwèni isi cilik-cilik kang cacahé lumayan akèh.[1] Pethèt kerep didadèkaké pager tumrap para petani kang manggon ing padésan.[1] Carané tanduran pethèt ditandur ngubengi sawah utawa tegalan.[1] Pethèt uga kena kanggo rabuk.[1]
[sunting] Habitat
Pethèt cocok urip ing dhataran rendah nganti panggonan kang dhuwuré 1500 mèter ing sandhuwuré lumahing segara.[3]Ing Indonésia pethèt mèh waé cures sawisé kaserang ama wereng. [1]
[sunting] Nengkaraké
Pethèt bisa ditangkaraké nganggo wiji kang wis tuwa.[1] Cara liyané kanggo nangkaraké yaiku kanthi stèk pang.[1]Saliyané iku pethèt uga kena ditangkaraké kanthi turus utawa kayu pethèt kang dicublekaké ing lemah.[1]
[sunting] Dasanama
Jeneng Lokal : Petai cina (Indonesia), Kemlandingan, Lamtoro (Jawa); Palanding, Peuteuy selong (Sunda), Kalandingan (Madura).[1]
Jeneng liyané pethèt yaiku Leucaena glauca, Benth.[1]
[sunting] Khasiat
Pethèt bisa ngobati werna-werna penyakit. [4]Contoné yaiku Diabétes melitus, Cacingen, ningkataké Gairah seks, tatu anyaran, aboh, Tluseben utawa kasura.[4]
[sunting] Gizi
Saben 100 gram wiji polong pethèt utawa Leucaena leucocephala kang wis tuwa ngandhut zat kimia kang akéh jinisé.[5]
- Kalori 148 kalori,
- Protein 10,6 gram,
- Lemak 0,5 gram,
- Hidrat arang 26,2 gram,
- Kalsium 155 miligram,
- fosfor 59 gram,
- Zat besi 2,2 gram,
- Vitamin A 416 SI,
- Vitamin B1 0,23 miligram
- Vitamin C 20 miligram.
Déné godhong pethèt ngandhut zat aktif kang diarani alkaloid, saponin, flavonoid, lan tanin.[2]
[sunting] Chatetan suku
- ↑ a b c d e f g h i j k l m n o p q r (id)http://www.iptek.net.id(dipunundhuh tanggal 18 Mei 2011)
- ↑ a b c d e f (id)http://www.uny.ac.id(dipunundhuh tanggal 18 Mei 2011)
- ↑ (id)http://pusatpanduan.com(dipunundhuh tanggal 18 Mei 2011)
- ↑ a b (en)http://medical-dictionary.thefreedictionary.com(dipunundhuh tanggal 18 Mei 2011)
- ↑ (id)http://naturindonesia.com(dipunundhuh tanggal 18 Mei 2011)
