Perang Krim

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Perang Krim
Malakhov1.jpg
Lukisan Franz Roubaud: Pangepungan Sevastopol (1904).
Tanggal 1853–1856
Papan Tanjung Krim,
Balkan,
Laut Hitam,
Laut Baltik,
Samudera Pasifik
Asil Kamenangan sekutu, Prajanjian Paris
Pihak sing kalibat
Sekutu:
Flag of France.svg Prancis
Ottoman flag.svg Kasultanan Utsmaniyah
Flag of the United Kingdom.svg Britania Raya
Flag of Italy (1861-1946) crowned.svg Krajan Sardinia
Flag of Russia 1668.png Kakaisaran Rusia
Flag of Bulgaria.svg Sukarélawan Bulgarian
Kakuwatan
400.000 wong Prancis
250.000 wong Britania
10.000 wong Sardinia
2.200.000 wong Rusia
4.000 wong Bulgaria
Cacahé korban
~100.000 wong Prancis[1]
35.000 wong Turki
17.500 wong Britania
2.194 wong Sardinia
tiwas, tatu, lan mati amarga lelara
~134.000
tiwas, tatu, lan mati amarga lelara

Perang Krim utawa Perang Krimea (1853–1856) iku peperangan sing dumadi antarané kakaisaran Rusia nglawan sekutu sing kapérang saka Prancis, Britania Raya, Krajan Sardinia, lan Kasultanan Utsmaniyah. Akèh-akèhé konflik kedadéyan ing tanjung Krim, kanthi paprangan liyané kedadéyan ing Turki kulon lan Segara Baltik. Perang Krim kerep dianggep minangka konflik modhèrn pisanan sing mrabawani paprangan ing mangsa ngarep.[2]

Perang Krim ditepungi kanthi jeneng sing béda-béda. Ing Rusia ditepungi minangka "Perang Oriental" (basa Rusia: Восточная война, Vostochnaya Voina), lan ing Britania wektu iku ditepungi minangka "Perang Rusia".

Perang Krim sejatiné arupa konflik antarané negara Rusia lan Turki. Rusia ngrasa wong Turki Muslim ora bisa gawé pasarujukan kang adil karo wong Kristen ing Balkan, utawa karo bab kang ana gegayutané aksès marang "Tanah Suci" ing Palestina. Saliyané iku, wong Rusia uga nduwèni kepenginan aksès kanggo kapal perang Rusia marang Segara Ireng ngliwati Selat Bosporus lan Dardanella. Negosiasi antarané Turki lan Rusia ora nemoni pasarujukan. Wong-wong Turki kang antuk dhukungan saka Prancis ndheklarasikake perang marang Rusia. Rusia menangaké paprangan segara ing Sinope, Segara Ireng nalika taun 1853. Inggris lan Prancis kuwatir Rusia nduwèni karep njembaraké kakuwasan ing wewengkon Kakaisaran Ottoman. Inggris lan Prancis banjur ngirim armada segara menyang Segara Ireng kanggo njaga panté Turki. Inggris lan Prancis banjur dadi sekutuné Turki.

Rusia uga nduwèni pasulayan karo Prancis, utamané ing urusan dagang lan kaagamaan. Turki nduwèni rasa kwatir marang pengaruhé Rusia kang kuwat ing wewengkon Balkan, yaiku ing Moldovia lan Wallachia.

Pasekuton[sunting | sunting sumber]

Amarga kuwatir marang rencana ekspansi Rusia, Inggris banjur nggabung karo Prancis kanggo dheklarasikake perang mungsuh Rusia ing pungkasané sasi Maret 1854. Inggris lan Prancis uga entuk dhukungan saka Piedmont-Sardinia lan sacara pulitik entuk dhukungan saka Austria. Pasukan Sekutu perang karo Rusia ing Ala River. Nalika wulan Oktober, Sekutu ngepung Kutha Sebastopol. Rusia mbales kanthi ngadhepi serangan Brigade Ringan Inggris ing Pertempuran Balaklava, kang diterusake pertempuran ing Inkerman ing wulan November. Pertemuran cacah telu iki dimenangake sekutu. Sanajan sukses ngrebut maneh wewengkon Sebastopol, sekutu durung bisa ngrebut wewengkon pelabuhan. Nembé ing taun 1855, Sebastopol bisa direbut sekutu. Pasukan Rusia kalah lan mundhur saka Sebastopol. Pasokan logistik lan tambahan pasukan mandheg amarga ora anane jalur sepur. Prajanjen Paris nalika 30 Maret 1856 mungkasi perang iki.

Bibliografi[sunting | sunting sumber]

  • Bridge and Bullen, The Great Powers and the European States System 1814-1914, (Pearson Education: London), 2005
  • Bamgart, Winfried The Crimean War, 1853-1856 (2002) Arnold Publishers ISBN 0-340-61465-X
  • Ponting, Clive The Crimean War (2004) Chatto and Windus ISBN 0-7011-7390-4
  • Pottinger Saab, Anne The Origins of the Crimean Alliance (1977) University of Virginia Press ISBN 0-8139-0699-7
  • Rich, Norman Why the Crimean War: A Cautionary Tale (1985) McGraw-Hill ISBN 0-07-052255-3
  • Royce, Simon The Crimean War and its place in European Economic History (2001) University of London Press ISBN 0-3825-2868-6
  • Royle, Trevor Crimea: The Great Crimean War, 1854-1856 (2000) Palgrave Macmillan ISBN 1-4039-6416-5
  • Schroeder, Paul W. Austria, Great Britain, and the Crimean War: The Destruction of the European Concert (1972) Cornell University Press ISBN 0-8014-0742-7
  • Wetzel, David The Crimean War: A Diplomatic History (1985) Columbia University Press ISBN 0-88033-086-4

Dhaptar pustaka[sunting | sunting sumber]

  • Hamley, The War in the Crimea, (London, 1891)
  • Kinglake, The Invasion of the Crimea, (nine volumes, London, 1863-87)
  • Russell, The War in the Crimea, 1854-56, (London, 1855-56)
  • Marx, The Eastern Question, 1853-56, (translated by E. M. and E. Aveling, London, 1897)
  • Lodomir, La guerre de 1853-56, (Paris, 1857)
  • Kovalevski, Der Krieg Russlands mit der Türkei in den Jahren 1853-54, (Leipzig, 1869)
  • Rein, Die Teilnahme Sardiniens am Krimkrieg und de öffentliche Meinung in Italien, (Leipzig, 1910)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:


Réferènsi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Perang_Krim&oldid=829711"