Penjalin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rattan
Calamus rotang
Klasifikasi èlmiah
krajan: Plantae
divisio: Magnoliophyta
kelas: Liliopsida
ordo: Arecales
kulawarga: Arecaceae
Subkulawarga: Lepidocaryoideae
Suku: Calameae
Genera

Rotan:
Calamus
Daemonorops
Oncocalamus

Calameae non-rotan:
Calospatha
Ceratolobus
Eremospatha
Eugeissonia
Korthalsia
Laccosperma
Metroxylon
Myrialepis
Pigafetta
Plectocomia
Plectomiopsis
Raphia
Salacca
Zalacella

Penjalin utawa Rotan iku sakelompok palma saka rumpun (tribus) Calameae sing nduwèni habitus mrambat, utamané Calamus, Daemonorops, lan Oncocalamus. Rumpun Calameae dumadi saka watara nem atus anggota, kanthi dhaérah panyebaran ing bagéan tropis Afrika, Asia lan Australasia. Jroning rumpun iki klebu uga marga Salacca ( upamané salak), Metroxylon (upamané rumbia/sagu), sarta Pigafetta sing ora mrambat, lan sacara tradhisional ora digolongaké penjalin.

Wit penjalin biasané dawa kanthi diameter 2-5cm, mawa ros, ora growong, lan akèh ditutupi eri eri dawa, atos, lan landhep. Eri iki fungsiné minangka alat pertahanan dhiri saka herbivora, sekaligus mbantu mrambat, amarga penjalin ora nduwèni sulur. Sawijining wit penjalin bisa nganti atusan mèter dawané. Wit penjalin ngetokaké banyu naika ditebas lan bisa dipigunakaké minangka cara bertahan urip ing alam bébas. Badhak jawa diweruhi uga kerep mangan wit penjalin.

Sebagian gedhé penjalin asal saka alas ing Malaysia, Sumatra, Jawa, Borneo, Sulawesi, lan Nusa Tenggara. Indonesia nyadiakaké watara 70% kabutuhan penjalin donya. Sisa pasar diisi saka Malaysia, Filipina, Sri Lanka, lan Bangladesh.

Penjalin cepet tuwuh lan relatif gampang dipanèn sarta ditransprotasi. Bab iki uga dianggep mbantu njaga kalestarèn alas, amarga wong luwih seneng manèn penjalin tinimbang kayu.

Kagunan[sunting | sunting sumber]

Kursi penjalin.

Penjalin sing umum dipigunakaké jroning indhustri ora patiya akèh. Sawetara sing paling umum yakuwi Manau, Batang, Tohiti, Mandola, Tabu-Tabu, Suti, Sega, Lambang, Blubuk, Jawa, Pahit, Kubu, Lacak, Slimit, Cacing, Semambu, sarta Pulut.

Sawisé diresiki saka pelepah sing mawa eri, penjalin asalan kudu diawètaké lan kalindhung saka jamur Blue Stain. Sacara umum ana loro prosès pangolahan bahan baku penjalin: Pemasakan nganggo lenga kanggo penjalin ukuran sedheng /gedhé lan Pengasapan nganggo weliramg tumrap penjalin ukuran cilik.

Sabanjuré penjalin bisa diolah dadi manéka bahan baku, upamané digawé Peel (kupasan)/Sanded Peel, dipolès /semi-poles, digawé core, fitrit utawa star core. Séentra indhustri kerajinan lan mèbel penjalin paling gedhé ing Indonesia dumunung ing Cirebon.

Pemanfaatan penjalin utamané minangka bahan baku mèbel, kaya kursi, meja tamu, sarta rak buku. Penjalin nduwèni sawetara kaunggulan tinimnbang kayu, yakuwi luwih ènthèng, kuwat, elastis / gampang diwangun, sarta murah. Kelemahan utama penjalin yakuwi gampang kena kutu bubuk "Pin Hole".

Masyarakat suku Dayak ing Kalimantan Tengah manfaataké wit penjalin anom minangka komponèn janganan. [1]

Catatan sikil[sunting | sunting sumber]

  1. ^ Menikmati Sayur Batang Rotan. Media Tanah Air daring. Edisi 02-04-2009.
Sumber artikel punika saking kaca situs web: "http://jv.wikipedia.org/w/index.php?title=Penjalin&oldid=822969"