Pilihan umum lègislatif Indonésia 1955

Saka Wikipédia Jawa, bauwarna mardika basa Jawa
(Kaelih saka Pemilu ing Indonésia)

Pilihan umum Indonésia 1955 iku pilihan umum pisanan ing Indonésia lan dianakaké taun 1955. Pemilu iki kerep sinebut pemilu Indonésia kang paling dhémokratis.

Pemilu taun 1955 iki ditindakaké wektu kaanan kaamanan nagara isih kurang kondusif; sawatara laladan isih dirundung kakacauan déning DI/TII (Darul Islam/Tentara Islam Indonésia) mligi pimpinan Kartosuwiryo. sajeroning kaanan kaya mangkono mau, anggota militèr (angkatan bersenjata) lan pulisi uga mèlu milih. Anggota militèr lan pulisi kang tugas ing laladan rawan digilir teka menyang papan pamilihan. Pemilu pungkasané lumaku kanthi aman.

Pemilu iki diangkah kanggo milih anggota-anggota DPR lan Konstituante. Gunggung kursi DPR kang diparebutaké ana 260, déné kursi Konstituante cacahé 520 (kaping pindhoné kursi DPR) ditambah 14 wakil golongan minoritas kang diangkat pamaréntah.

Pemilu iki disiapaké déning papréntahan Nayakotama Ali Sastroamidjojo. Nanging, Ali Sastroamidjojo mundur lan wektu pamungutan swara, kepala papréntahan wis dicekel déning Perdnana Mantri Burhanuddin Harahap.

Babakan[besut | besut sumber]

Miturut jadwal, Pemilu 1955 dipérang dadi rong babak, yaiku:

  • Babak pisanan kanggo milih anggota DPR. Babak iki ditindakaké tanggal 29 September 1955, lan diiloni 29 parté pulitik lan individu,
  • Babak kapindho wujud Pemilu kanggo milih anggota Konstituante. Babak iki diadani tanggal 15 Dhésèmber 1955.

Kasil[besut | besut sumber]

Lima parté gedhé sajeroning Pemilu 1955 yaiku Parté Nasional Indonésia éntuk 57 kursi DPR lan 119 kursi Konstituante (22,3 persèn), Masyumi 57 kursi DPR lan 112 kursi Konstituante (20,9 persèn), Nahdlatul Ulama 45 kursi DPR lan 91 kursi Konstituante (18,4 persèn), Parté Kuminis Indonésia 39 kursi DPR lan 80 kursi Konstituante (16,4 persèn), lan Parté Syarikat Islam Indonésia (2,89 persèn).

Parté-parté liyané, éntuk kursi sangisoré 10. Kayadéné PSII (8), Parkindo (8), Parté Katolik (6), Parté Sosialis Indonésia (5). Rong parté éntuk 4 kursi (IPKI lan Perti). Enem parté éntuk 2 kursi (PRN, Parté Buruh, GPPS, PRI, PPPRI, lan Parté Murba). Sisané, 12 parté, éntuk 1 kursi (Baperki, PIR Wongsonegoro, PIR Hazairin, Gerina, Permai, Parté Persatuan Dayak, PPTI, AKUI, PRD, ACOMA lan R. Soedjono Prawirosoedarso).

Tabel Jangkep[besut | besut sumber]

  • Pamilihan DPR
No. Parté/Nama Pratélan Suara % Kursi
1. Parté Nasional Indonésia (PNI) 8.434.653 22,32 57
2. Masyumi 7.903.886 20,92 57
3. Nahdlatul Ulama (NU) 6.955.141 18,41 45
4. Parté Kuminis Indonésia (PKI) 6.179.914 16,36 39
5. Parté Syarikat Islam Indonésia (PSII) 1.091.160 2,89 8
6. Parté Kristen Indonésia (Parkindo) 1.003.326 2,66 8
7. Parté Katolik 770.740 2,04 6
8. Parté Sosialis Indonésia (PSI) 753.191 1,99 5
9. Ikatan Pendukung Kemerdekaan Indonésia (IPKI) 541.306 1,43 4
10. Perobahan Tarbiyah Islamiyah (Perti) 483.014 1,28 4
11. Parté Rakyat Nasional (PRN) 242.125 0,64 2
12. Parté Buruh 224.167 0,59 2
13. Gerakan Pembela Panca Sila (GPPS) 219.985 0,58 2
14. Parté Rakyat Indonésia (PRI) 206.161 0,55 2
15. Persatuan Pegawai Pulisi RI (P3RI) 200.419 0,53 2
16. Murba 199.588 0,53 2
17. Baperki 178.887 0,47 1
18. Persatuan Indoenesia Raya (PIR) Wongsonegoro 178.481 0,47 1
19. Grinda 154.792 0,41 1
20. Persatuan Rakyat Marhaen Indonésia (Permai) 149.287 0,40 1
21. Persatuan Daya (PD) 146.054 0,39 1
22. PIR Hazairin 114.644 0,30 1
23. Parté Pulitik Tarikat Islam (PPTI) 85.131 0,22 1
24. AKUI 81.454 0,21 1
25. Persatuan Rakyat Désa (PRD) 77.919 0,21 1
26. Parté Républik Indonesis Merdeka (PRIM) 72.523 0,19 1
27. Angkatan Comunis Muda (Acoma) 64.514 0,17 1
28. R.Soedjono Prawirisoedarso 53.306 0,14 1
29. Lain-lain 1.022.433 2,71 -
Jumlah 37.785.299 100,00 257
  • Pamilihan Konstituante
No. Parté/Nama Pratélan Suara % Kursi
1. Parté Nasional Indonésia (PNI) 9.070.218 23,97 119
2. Masyumi 7.789.619 20,59 112
3. Nahdlatul Ulama (NU) 6.989.333 18,47 91
4. Parté Kuminis Indonésia (PKI) 6.232.512 16,47 80
5. Parté Syarikat Islam Indonésia (PSII) 1.059.922 2,80 16
6. Parté Kristen Indonésia (Parkindo) 988.810 2,61 16
7. Parté Katolik 748.591 1,99 10
8. Parté Sosialis Indonésia (PSI) 695.932 1,84 10
9. Ikatan Pendukung Kemerdekaan Indonésia (IPKI) 544.803 1,44 8
10. Perobahan Tarbiyah Islamiyah (Perti) 465.359 1,23 7
11. Parté Rakyat Nasional (PRN) 220.652 0,58 3
12. Parté Buruh 332.047 0,88 5
13. Gerakan Pembela Panca Sila (GPPS) 152.892 0,40 2
14. Parté Rakyat Indonésia (PRI) 134.011 0,35 2
15. Persatuan Pegawai Pulisi RI (P3RI) 179.346 0,47 3
16. Murba 248.633 0,66 4
17. Baperki 160.456 0,42 2
18. Persatuan Indoenesia Raya (PIR) Wongsonegoro 162.420 0,43 2
19. Grinda 157.976 0,42 2
20. Persatuan Rakyat Marhaen Indonésia (Permai) 164.386 0,43 2
21. Persatuan Daya (PD) 169.222 0,45 3
22. PIR Hazairin 101.509 0,27 2
23. Parté Pulitik Tarikat Islam (PPTI) 74.913 0,20 1
24. AKUI 84.862 0,22 1
25. Persatuan Rakyat Désa (PRD) 39.278 0,10 1
26. Parté Républik Indonesis Merdeka (PRIM) 143.907 0,38 2
27. Angkatan Comunis Muda (Acoma) 55.844 0,15 1
28. R.Soedjono Prawirisoedarso 38.356 0,10 1
29. Gerakan Pilihan Sunda 35.035 0,09 1
30. Parté Tani Indonésia 30.060 0,08 1
31. Radja Keprabonan 33.660 0,09 1
32. Gerakan Banteng Républik Indonesis (GBRI) 39.874 0,11  
33. PIR NTB 33.823 0,09 1
34. L.M.Idrus Effendi 31.988 0,08 1
35. Lain-lain 426.856 1,13  
Jumlah 37.837.105   514

Dekrit Présidhèn[besut | besut sumber]

Pemilu 1955 ora diterusaké miturut jadwal limang taun sabanjuré,yaiku taun 1960. Bab iki amarga tanggal 5 Juli 1959, diwetokaké Dekrit Présidhèn kang mbubaraké Konstituante lan pranyatan bali menyang UUD 1945.

Sabanjuré, tanggal 4 Juni 1960, Soekarno mbubaraké DPR kasil Pemilu 1955, sawisé sadurungé dewan lègislatif iku nulak RAPBN kang diajokaké pamaréntah. Présidhèn Soekarno kanthi sapihak liwat Dekrit 5 Juli 1959 nggawé DPR-Gotong Royong (DPR-GR) lan MPR Sauntara (MPRS) kang kabèh anggotané diangkat déning présidhèn.

Sumber lan wacan[besut | besut sumber]

Pranala njaba[besut | besut sumber]

Cithakan:Pemilu Indonésia