Peggy Melati Sukma

Saka Wikipédia Jawa, bauwarna mardika basa Jawa
Peggy Melati Sukma
LairRaden Peggy Melati Purnama Dewi Sukma
PakaryanAktris, Penyanyi, Aktivis sosial
Taun aktif1995 - saiki
BojoWisnu Tjandra

Raden Peggy Melati Purnama Dewi Sukma (lair ing Cirebon, 13 Juni 1976; umur 47 taun)[1], ya iku bintang sinétron Indonésia.[1] Peggy iku bojoné Wisnu Tjandra.[1] Peggy Melati Sukma iku anak saka Raden Ating Sukma lan Aty Latieva Attamimi.[1] Peggy wiwit misuwur nalika main dadi tokoh Iteung ing sinétron Si Kabayan.[1] Lumantar aktingé ing sinétron iki, Peggy éntuk nominasi Pameran Utama Wanita Paling Apik Kategori Komèdi Fèstival Sinétron Indonésia (1997).[1] Jenengé sangsaya misuwur nalika dadi bintang ing sinétron Gerhana.[1] Lumantar sinétron iki uga Peggy ditepungi kanthi jargon Pusiiiiiiing, kang banjur dipatènké karo Peggy.[1] Lumantar sinétron iki, Peggy lumebu dadi nominasi Artis Wanita Paling Favorit Indonésia Kategori Komèdi Panasonic Award (1999).[1]

Saliyané main sinétron, Peggy uga njajal karir ing nyanyi.[1] Peggy nggawé album Aku Kangen Padamu nalika taun 1998 lan My Wish nalika taun 2000.[1] Peggy uga wis nulis buku kang judhulé My Wish.[1] Saliyané iku, Peggy uga dadi présènter.[1] Acara-acara tivi kang tau kabawah ya iku Smile, Rejeki Nomplok, lan Klise.[1] Peggy uga tau éntuk nominasi kang cacahé loro saka Tabloid Citra lan Panasonic Awards (1996) kanggo kategori Pembawa Acara Talkshow Wanita Paling Favorit ing acara "Obrolan Pagi".[1]

Peggy wis main téater wiwit SMP, nanging Peggy ora nutugaké main téater amarga sibuk main sinétron.[1] Nalika taun 2006, Peggy wiwit main ing panggung manèh.[1] Peggy main wayang wong ing Gedung Kesenian Jakarta lan mentasaké lakon kang judhulé Srikandi Larasati Kembar.[1]

Peggy uga ditepungi kanthi aktivitas sosial.[2] Peggy tau dipilih karo Mantri Pemberdayaan Perempuan ya iku Meutia Farida Hatta kanggo dadi duta Indonésia kanggo ngomong ing PBB lan mbahas UU Perlindungan Perempuan ing New York nalika sasi Fèbruari nganti Maret 2006.[2]

==Cathetan sikil

  1. a b c d e f g h i j k l m n o p q r m.kapanlagi.com(diundhuh tanggal 17 Agustus 2011)
  2. a b nusantaraku.org[pranala mati permanèn](diundhuh tanggal 17 Agustus 2011)