Paus Bonifatius III

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bonifasius III
Emblem of the Papacy SE.svg
Asma wiyosan mboten dipunmangertos
Wiwit mengku 19 Februari 607
Dumugi 12 November 607
Dipunrumiyini Sabianus
Dipunlajengaken Bonifasius IV
Miyos tanggal mboten dipunmangertos
Roma, Italia
Séda 12 November 607
Roma, Italia
Paus kanthi nami Bonifasius sanesipun
Cathetan suku
{{{footnotes}}}

Paus Bonifasius III (???-12 November 607) punika, ngasta jawatan Paus Gréja Katulik Roma wiwit 19 Februari 607 dumugi 12 November 607.

Penahbisanipun dados Paus mbetahaken wekdal mèh setunggal taun sasampunipun Paus ingkang ngasta sadèrèngipun inggih punika Paus Sabinianus séda, amargi sapérangan isu kados kaabsahan pamilihanipun. Bonifasius kukuh nelaaken bilih pamilihanipun punika resik lan jujur, lan malah piyambakipun nolak lenggah ing tahta kapausan ngantos mangertos kaleresan kasunyatanipun. Perkawis punika nambah kapitadosan dhumateng Bonifasius nalika panjenenganipun ing pungkasanipun dipuntahbisaken dados Paus.

Bonifasius ngedalaken dekrit éwah-éwahan signifikan ing tata cara pamilihan Paus:

  1. Nglarang sinten kemawon kanggé nggunemaken gantosipun Paus, salami Paus ingkang saweg njawat punika tasih gesang. Sedaya kemawon ingkang nglanggar dekrit puniki badhé pikantuk sanksi ekskomunikasi.
  2. Dalan nuju prosès pamilihan Paus panggantos namung saged dipunwiwiti tigang dinten sasampunipun Paus kasarèaken.

Éwah-éwahan puniki nedahaken sikap serius Bonifasius ingkang péngin supados pamilihan Paus betul-betul murni.

Tumindakipun salajengipun nggambaraken kacelakanipun kaliyan Kaisar Phocas. Panjenenganipun nyuwun lan pikantuk satunggiling dekrit saking Phocas ingkang nelaaken malih bilih "Tahta Rasul Petrus ingkang Binerkahan punika Kepala saking Samudaya Gréja". Dekrit puniki mesthèaken bilih gelar "Uskup Universal" (Uskup Semesta) dipundarbèni sacara eksklusif déning Uskup Roma. Dekrit puniki ugi sacara efektif ngendhegaken upados Patriark Cyriacus saking Konstantinopel ingkang ugi kepéngin dhumateng gelar "Uskup Universal" kanggé piyambakipun. Senajan sabagéyan ahli nganggep prekawis puniki dados bukti bilih Bonifasius ngedegaken Gréja Katulik Roma, nanging dekrit puniki leresipun namung nelaaken malih sawangan Kaisar Yustinus I rumiyin ingkang sampun maringi pengakuan dhumateng kautamèn Uskup Roma.

Bonifasius III dipunsaréaken ing Basilika Santo Petrus, Roma, tanggal 12 November 607.



Dipunrumiyini
déning:
Sabianus
Paus
(daftar)
Dipunlajengaken
déning:
Bonifasius IV


Artikel prakawis Paus punika, taksih dèrèng pepak. Panjenengan mangga nambah. Menawi sampun pepak, saged mbusak katrangan punika.