Paulus saka Tarsus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
Ananias saka Damaskus mulihaké pandelengané Santo Paulus. Sawijining lukisan taun 1631 karya Pietro Cortona.

Paulus saka Tarsus (awalé Saulus saka Tarsus) utawa Rasul Paulus, (3 Maséhi–67 Maséhi) diakoni minangka tokoh wigati jroning ngrumusaké ajaran Yesus. Paulus digambaraké jroning Prajanjian Anyar minangka Yahudi saka suku Benyamin, sing duwé kabudayan Yunani (helenis) lan warga Roma saka Tarsus (saiki Turki). Awalé panjenengané sawijining panganiaya wong Kristen (wektu iku jenengé Saulus), lan sawisé pengalamané ketemu Yesus ing dalan nuju kutha Damaskus, panjenengané malih dadi sawijining pendhèrèk Yesus Kristus (Kis. 9).

Paulus nyebut dhèknèné minangka "rasul kanggo bangsa-bangsa non-Yahudi" (Roma 11:13). Panjenengané gawé upaya sing ngéramaké liwat layang-layangé marang komunitas non-Yahudi kanggo nuduhaké yèn keslametan sing dilakoni déning Yesus Kristus iku kanggo kabèh wong, dudu mung wong Yahudi. Gagasan Paulus iki marakaké crah antarané dhèknèné karo murid-murid Yesus, utamané Petrus lan Yakobus, sing percaya yèn kanggo dadi pendhèrèk Yesus, wong-wong sing dudu Yahudi kudu pisanané dadi Yahudi luwih dhisik (deleng Gal. 2:11-14). Kanggo ngrampungaké konflik iki, dianakaké sidhang ing Yerusalem (Kis. 15), sing disebut minangka Sidhang Sinode utawa Konsili Gréja sing pisanan.

Pati[sunting | sunting sumber]

Alkitab ora nélakaké kepriyé lan kapan Paulus mati. Nanging miturut tradhisi Kristen, Paulus ditebas guluné ing Roma nalika mangsa pamaréntahan Nero watara patengahan 60-an ing Tre Fontane Abbey.

Nalika sasi Juni 2009, Paus Benediktus ngumumké asil pangedhukan kuburrané Paulus ing Basilika Santo Paulus ing Njaba Tembok. Sarkofagus iku dhéwé ora kabukak, nanging diuji kanthi upaya panylidhikan. Lan iku nuduhaké tugelan-tugelan menyan, kain ungu lan kain biru sarta fragmèn balung cilik. Balung iku mawa tanggal radiokarbon abad kaping-1 tekan kaping-2. Miturut Vatikan, iki katoné ngonfirmasi tradhisi kubur duwèkané Paulus.[1]

Réferènsi[sunting | sunting sumber]

Pranala njaba[sunting | sunting sumber]


Cithakan:Lelampahan Misi Paulus Cithakan:Tokoh Prajanjian Anyar

Logo Wikimedia Commons
Pirsani galeri bab Paulus saka Tarsus ing Wikimedia Commons.

Sumber artikel punika saking kaca situs web: "http://jv.wikipedia.org/w/index.php?title=Paulus_saka_Tarsus&oldid=831653"