Papat Limpad 2012

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Logo Papat Limpad 2012
Poster Papat Limpad 2012

Papat Limpad 2012 iku istilah jroning Basa Jawa sing maknané Papat Pinunjul minangka ajang kompetisi nulis ing situs Wikipedia Basa Jawa. Kompetisi iki diangkah bakal diiloni déning para mahasiswa-mahasiswa Jurusan Sastra Jawa saka universitas-universitas ing Jakarta, Jawa Tengah lan Yogyakarta[1]. Katahanan para peserta bakal diuji sajroning pitung sasi(September 2012 - April 2013). Liwat kompetisi iki diangkah bakal ana panambahan gunggung lan kualitas artikel-artikel abasa Jawa ing situs Wikipedia basa Jawa. Para pamenang kompetisi iki bakal antuk aprésiasi arupa komputer laptop lan sèrtifikat saka Wikimedia Indonesia. Kompetisi Papat Limpad 2012 iki didhukung kanthi dana bebarengan Wikimedia Indonesia, Wikimedia Prancis lan Wikimedia Swiss[2].

Kompetisi nulis[sunting | sunting sumber]

Kompetisi nulis iki dirancang minangka acara kaintegrasi arupa pelatihan, uji katahanan lan upaya panambahan artikel mawa kwalitas artikel abasa Jawa ing ranah internèt. Kompetisi iki diselenggarakaké minangka upaya mbébasaké kawruh supaya bisa dianggo déning masarakat kanthi bébas.

Kompetisi sing lumangsung pitung sasi iki dirancang minangka sasana pelatihan sing bakal macu penulis-penulis basa Jawa ngumpulaké lan nulisaké informasi. Diangkah bakal ana penambahan penulis-penulis anyar basa Jawa, artikel-artikel abasa Jawa ing Indonesia bisa luwih akèh lan mènèhi aksès sesurupan tumrap penutur basa Jawa sing ngupadi informasi liwat internèt. Amarga saka kuwi, gaya penulisan para peserta, saliyané diwajibaké ngugemi kaidah basa Jawa sing apik lan bener, kudu nganggo gaya ensiklopedis lan gampang dimangertèni déning wong akèh sacara umum.

Karya lan aktivitas para peserta bakal dibiji sacara periodik déning para juri sing dumadi saka gabungan panitia, lan Wikipedia Basa Jawa. Kompetisi iki diwiwiti kanthi pelatihan marang para peserta saéngga bisa nulis miturut standar kompetisi Wikimedia Indonesia.

Peluncuran kompetisi[sunting | sunting sumber]

Kompetisi nulis Papat Limpad diluncuraké kaping 7 Mèi 2012 mapan ing kampus IKIP PGRI Semarang, dirawuhi déning luwih saka 200 mahasiswa lan dosèn pendhamping wakil-wakil saka pawiyatan luhur sing mèlu nyengkuyung proyèk iki yaiku Universitas Diponegoro, Universitas Gajah Mada, Universitas Indonesia, Universitas Negeri Semarang, Universitas Negeri Yogyakarta lan minangka sing amengku gati IKIP PGRI Semarang dhéwé[3]. Kompetisi sacara resmi dibuka déning Dirèktur Jéndral Komunikasi dan Informasi Publik sing tumindak makili Mentri Komunikasi lan Informasi Republik Indonésia lan diseksèni déning Kepala Dinas Pendhidhikan Provinsi Jawa Tengah minangka sesulih saka Gubernur Jawa Tengah. Saka Jakarta saliyané para pangarsa Wikimedia Indonesia uga rawuh Dhuta Bébasna Kawruh Wikimedia Indonesia, Christian Sugiono.

Sadurungé acara peluncuran sacara resmi dianakaké adicara tapak asma Memorandum of Understanding antarané Wikimedia Indonesia lan IKIP PGRI Semarang minangka simbol karya bebarengan jroning proyèk kompetisi iki. Adicara tapak asma karo pawiyatan luhur liyané dijadwalaké mapan ing kampus saben pawiyatan luhur peserta. Ing adicara peluncuran kasebut para pangarsa uga paring ular-ular ngenani karya bebarengan sing ora mung wigati tumrap Wikimedia Indonesia nanging uga wigati tumrap pawiyatan luhur sing mèlu nyengkuyung lan para mahasiswa sing dadi peserta kompetisi.

Pelatihan[sunting | sunting sumber]

Pawiyatan luhur peserta[sunting | sunting sumber]

Béda karo proyèk sadurungé ya iku Papat Limpad 2011 sing mung ngajak siji pawiyatan luhur ya iku Universitas Negeri Semarang, Papat Limpad 2012 ngrangkul luwih akèh pawiyatan luhur saka Jakarta, Semarang lan Yogyakarta. Sing mèlu anyengkuyung proyèk kompetisi nulis ing abasa Jawa Papat Limpad 2012 iki yaiku: IKIP PGRI Semarang, Universitas Diponegoro, Universitas Gajah Mada, Universitas Indonesia, Universitas Negeri Semarang lan Universitas Negeri Yogyakarta.


Spanduk PL 2012.jpg

Didhukung déning[sunting | sunting sumber]

Rujukan[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Papat_Limpad_2012&oldid=861655"