Panté Senggigi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Panté Senggigi

Panté Senggigi inggih menika papan pariwisata ingkang kawéntar wonten ing Lombok, Lombok Barat, Nusa Tenggara Barat. Panté menika gadhah garis panté ingkang dawa satemah katon éndah kangge sesawangan saha dados salah satunggaling wisata segara ing Pulau Lombok. Pante Senggigi menika madep langsung dhateng laut Selat Lombok.Saking pesisir ingkang landai menika dados papan ingkang ngremenaken kanggé renang saha nonton kaéndahan Gunung Agung, Bali [1].

Pante Senggigi menika boten seageng Pante Kuta, Bali, ananging menawi wonten ing mriki kados wonten ing Pante Kuta, Bali. Pesisir panténipun tasih asri. Kejawi menika pemandangan wonten ing sangandhaping segara ugi éndah sanget. Para wisatawan kathah ingkang nyobi snorkling amargi ombakipun boten ageng sanget. Terumbu karang njorok manengah ndamel ombakipun pecah wonten tengah. Wonten ugi hotel-hotel mawi regi ingkang manéka warni, saking hotel mawi regi ekonomis dumugi ingkang awis sanget [2].

Batu Bolong[sunting | sunting sumber]

Kirang langkung setengah jam mawi mlampah, para wisatawan saged dumugi Batu Bolong ing panté menika. Batu Bolong inggih menika satunggaling pura] ingkang kabangun wonten ing sanginggiling karang ingkang mapan ing pinggiring panté. Miturut legénda ingkang wonten ing masarakat ing mriku kalang rumiyin asring dipunadani pengorbanan satungggaling prawan supados dipangan iwak hiu ing papan menika. legénda sanès nyariosaken bilih rumiyin kathah laré èstri ingkang terjun piyambak saking papan menika dhateng segara amargi lara ati. Saking papan menika ugi katingal Gunung Agung ing Pulo Bali [2].

Batu Layar[sunting | sunting sumber]

Boten tebih saking batu Bolong menika wonten makamipun ulama. Menika kalebet papan ingkang suci kanggé para penganut Wetu Telu. Batu Layar menika ramé nalika Lebaran topat inggih menika lebaran kanggé tiyang ingkang sampun siam 1 minggu saksampunipun lebaran Idul Fitri.

Papan kanggé nyipeng[sunting | sunting sumber]

Wonten ing sakiwa tengenipun Panté Senggigi menika kathah papan kanggé nyipeng ingkang manéka warni miturut kersanipun piyambak. Wiwit saking hotel berbintang, resor, hotel melati dumugi pondokan.

Papan Dhahar[sunting | sunting sumber]

Ing pinggiring Panté Senggigi menika kathah restoran-restoran utawi griya dhahar ingkang nyemeptakaken manéka warni masakan khas Lombok lan jinis dhaharan sanèsipun. Ingkang khas inggih menika Ayam taliwang lan Plecing kangkung.

Menawi para wisatawan badhé mirsani pemandangan Panté Senggigi saged nitih cidomo, angkutan khas saking Nusa Tenggara Barat kanthi tarikan jaran.

Cathetan suku[sunting | sunting sumber]

  1. ^ [1], Kompas - Pantai Eksotisme Senja di Pantai Senggigi (dipun-akses tanggal 30 september 2012)
  2. ^ a b [2], Pantai Senggigi (dipun-akses tanggal 17 Desember 2012)
Sumber artikel punika saking kaca situs web: "http://jv.wikipedia.org/w/index.php?title=Panté_Senggigi&oldid=851748"