Pangeran Samudro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Makam Pangeran Samudro

Pangeran Samudro iku salah siji pangeran saka kerajaan Majapahit, saka ibu selir Ontrowulan.[1] Ana cerita kang nyebutake Ontrowulan iku ibu tiri utawa ibu kuwalone Pangeran Samudro. Pangeran Samodra lan Ontrowulan padha senenge.[2] Majapahit iku salah siji krajan Hindu kang gedhe ing Asia Kidul-Wétan nalika abad 13. Krajaan iki punjereana ing Jawa Wétan, lan panggon kekuwasaane kalebu kepuloan ing Indonésia tekan kidule India.

Nalika Islam mlebu ing Indonésia, Majapahit ambruk, pisah. Nalika iku Pangeran Samudro isih umur 18 taun. Nalika Majapahit ambruk, Pangeran Samodra ora melu lunga kaya dene sedulure. Nanging Pangeran Samudro malah ngeculake pangkate lan milih dadi pandhita. Panjenengane banjur diboyong ing Demak lan sinau ilmu Agama Islam marang Sunan Kalijaga. Sawise rumangsa cukup anggone nuntut ilmu, pangeran Samodra banjur diutus merguru ing kiyai Ageng Gugur ing Gunung Lawu.[2]

Ing papan iki Pangeran Samudro iya kasil anggone nuntut ilmu. Sawise rampung anggone sinau marang kiyai Ageng Gugur, Pangeran Samudro bali menyang Demak. Nalika bali menyang Demak, pangeran Samudro uga nyebarake ilmu agama Islam ing papan kang diliwati lan dinggo ngaso. Ing satengahe mlakune bali menyang Demak, Pangeran Samudro lara, banjur seda. Pangeran Samudro sadurunge seda sempet menehi pitutur utawa amanat marang wong-wong kang nalika iku ana ing sisih kiwa tengene Pangeran Samudro. Isine supaya tenanan nalika ing dalan kabecikan lan nyebarake kabecikan marang sapa wae. Sawise dimakamke, para warga ing cedhak makam iku banjur ngedekake dhukuh kang diarani dhukuh Samudro.[1] Pangeran Samudro di sarekake ing salah siji bukit. Miturut crita ing bukit iku mesthi ana kabut utawa keluk werna ireng, merga saka iku bukit iku diarani Gunung Kemukus.[2]

Keprungu yen Pangeran Samudra mati, Ontrowulan banjur lunga menyang bukit kasebut. Ing kono Ontrowulan mara ing makame Pangeran Samudro. Nalika iku Ontrowulan lan Pangeran Samudro nglakoni pacelathon kanthi cara ghoib, kang isine, yen arep mara menyang makame Pangeran Samudro kudu sesuci ndisek ing sendhang. Banjur sendhang iku diarani Sendhang Ontrowulan.[2]

Sawise sesuci, Ontrowulan ilang. Nalika sesuci kembang-kembang kang dadi hiasana ing rambut padha tiba. Miturut crita saka kembang iku dadi wit nagasari.[2]

Cathetan suku[sunting | sunting sumber]

  1. ^ a b (id)Makam Pangeran Samudro (dindhuh tanggal 24 September 2012)
  2. ^ a b c d e Gunung Kemukus tempat ziarah bermitos seksual
Sumber artikel punika saking kaca situs web: "http://jv.wikipedia.org/w/index.php?title=Pangeran_Samudro&oldid=865125"