Pakan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sapi mangan.

Pakan iku panganan/asupan sing diwènèhaké marang kéwan ingon (sato iwèn)[1]. Istilah iki diadhopsi saka basa Jawa[1]. Pakan arupa sumber energi lan materi kanggo tuwuh lan kauripan mahluk urip [1]. Dat sing paling wigati jroning pakan yaiku protein [1]. Pakan mawa kualitas iku pakan sing kandhutan protein, lemak, karbohidrat, mineral lan vitaminé imbang [2].

Nggatèkaké pakan[sunting | sunting sumber]

Babagan sing kudu digatèkaké ngenani pakan yaiku pakan ora éntuk disimpen sakwéné 2 minggu, papan panyimpenan pakan beciké garing (ora lembab)[3]. Yèn pakan dituku ing pabrik beciké dipesthèkaké pabrik mau mrodhuksi pakan kanthi kualitas sing becik [3]. Kualitas pakan bisa nemtokaké kualitas sato iwèn [3]. Yèn pakan disimpen jroning wadhah, beciké wadhah mau ditutup rapet lan ora ana udhara sing mlebu [3]. Pakan sing kena kontaminasi udhara lembab bakal njamur [3].

Fungsi pakan[sunting | sunting sumber]

Kanggo kabèh makluk urip, pakan duwé peran wigati banget miangka sumber ènèrgi kanggo pangopènan awak, tuwuh lan tangkar-tumangkar [4]. Saliyané iku, pakan uga bisa dipigunakaké kanggo tujuan tinentu, contoné kanggo ngasilaké werna lan rasa tinentu. Fungsi liyané ing antarané yaiku minangka pangobatan, reprodhuksi, ngapikaké metabolisme lemak lsp. [4]. Nanging pamènèhan pakan linuwihan bisa njalari kéwan ingon dadi rentan marang panyakit, prodhuktifitasé uga bakal sya mudhun [5].

Jenis pakan[sunting | sunting sumber]

Ing indhustri peternakan saiki, pakan sing diwènèhaké biasané arupa campuran saka bahan alami lan bahan gawéan (komposisi) sing wis ditingkataké kandhutan giziné [3]. Salah sijiné yaiku sing asalé saka limbah perkebunan. Sok-sok ing pakan ditambahaké uga hormon lan vitamin tinentu kanggo macu tuwuhé sato iwèn lan mbébasaké saka stress [3].

Pakan gawéan[sunting | sunting sumber]

Pakan gawéan iku pakan sing disiapaké déning manungsa kanthi bahan lan komposisi tinentu sing sengaja disiapaké déning manungsa [6]. Pakan gawéan asifat basa, kayadéné wangun pasta utawa emulsi (cuwèran pekat), ora perlu disimpen [6]. Jenis pakan teles beciké dientèkaké jroning sepisan pamènèhan/aplikasi amarga pakan jenis iki gampang rusak jenis kandhutané [6]. Nanging yèn pancèn kudu disimpen, beciké disimpen jroning ruangan pangadhem (lemari ès), iku uga ora bisa kesuwèn, mung 2 nganti 3 dina[6]. Yèn kesuwèn disimpen, kualitas pakan mudhun lan ora becik kanggo dikonsumsi [6]. Bahan baku sing dipigunakaké kanggo nemtokaké kualitas pakan gawéan kudu nyukupi sapérangan syarat ing antarané , duwé pangaji gizi, gampang dicerna, ora ngandhut racun, gampang diantuki, lan dudu arupa kabutuhan pokok manungsa [7].

Golongan pakan gawéan[sunting | sunting sumber]

Pakan gawéan bisa digolongaké dadi rong golongan, yaiku pakan lengkap (complete feed) lan pakan suplemèn (suplemental feed) [7]. Pakan lengkap iku pakan sing diformulasi saéngga duwé kabèh vitamin esensial jroning gunggung sing diperlokaké déning sato iwèn [7]. Pakan iki luwih ditujokaké kanggo mènèhi tetuwuhan normal ing kéwan sing ora antuk asupan vitamin saka pakan alami [7]. Pakan suplemèn iku pakan sing diformulasi saéngga ngandhut protèin lan ènèrgi sing nyukupi, nanging mungel kekurangan mikronutrien tinentu [7].

Kauntungan pakan gawéan[sunting | sunting sumber]

Sapérangan kauntungan sing bisa diantuki saka panggunaan pakan gawéan, ing antarané yaiku, bahan baku pakan bisa arupa limbah indhustri tetanèn, perikanan, peternakan, lan panganan sing pangaji ékonominé asor, nanging isih ngandhut pangaji gizi sing cukup dhuwur [7]. Pakan gawéan uga bisa disimpen jroning wektu rélatif suwé, tanpa dumadi owah-owahan kualitas sing drastis. Kanthi mangkono kabutuhan pakan bisa kecukupan kapan waé [7]. Saliyané iku pakan gawéan uga bisa ngowahi werna lan rasa, contoné ing iwak [7]. Panambahan lemak jroning gunggung tinentu ndadèkaké daging iwak tambah gurih [7]. Saliyané iku pamènèhan enthung uler sutra bisa ngapikaké aroma daging iwak [7]. Panambahan èkstrak kembang marigold jroning pakan, kayadéné akèh sing dilakokaké déning petani ing Jepang, bisa ngasilaké aroma daging iwak sing luwih becik lan werna sing luwih nengsemaké [7].

Pakan alami[sunting | sunting sumber]

Selaras karo jenengé, pakan alami iku pakan sing asalé saka alam [8]. Nanging jroning perkembangané, sumber pakan alami ora mung asal saka alam [8]. Sumber pakan iki uga bisa saka budidaya [8]. Pakan alami rata-rata nduwé kandhutan protèin cukup dhuwur [8]. Pakan alami sing isih urip bisa disimpen jroning lemari ès ing bagéan freezer[9]. Kadhar banyu pakan alami kudu tetep dijaga [9]. Yèn ora dibekukaké, pakan alami bisa bosok saéngga ngurangi kualitas pakan [9] . Pakan alami urip contoné kanggo iwak koi, kapérang saka cacing getih (blood worm), cacing sutra (tubifex), kutu banyu (Daphnia) lan urang [9]

Réferènsi[sunting | sunting sumber]

  1. ^ a b c d Khairuman, Amri K. 2003.Pembenihan & Pembesaran Gurami secara Intensif (ed. Revisi). Jakarta: AgroMedia.
  2. ^ Tiana OA, Murhananto. 2004.Membedah Rahasia Sukses Memelihara Koi. Halaman : 48. Jakarta: AgroMedia.
  3. ^ a b c d e f g Azhari. 2003.Jakarta city tour: tragedi, ironi, dan teror. Jakarta: AgroMedia.
  4. ^ a b Afrianto Eddy, Liviawaty E. 2002.Pakan Ikan Dan Perkembangannya. Jakarta: Kanisius.
  5. ^ Kartadisastra. 2003.PENGELOLAAN PAKAN AYAM, Kiat Meningkatkan Keuntungan dalam Agribisnis Unggas. Jakarta: Kanisius.
  6. ^ a b c d e Afrianto Eddy, Liviawaty E. 2002.Pemeliharaan Kepiting. Jakarta: Kanisius.
  7. ^ a b c d e f g h i j k Afrianto Eddy, Liviawaty E. 2002.Pakan Ikan dan Perkembangannya. Jakarta: Kanisius.
  8. ^ a b c d Z Akhmad, Rahmadi A. 2002. Memilih & Membuat Pakan Tepat untuk Lou Han. Hlmn 47. Jakarta:AgroMedia.
  9. ^ a b c d Tiana AH. 2002. Memilih & Membuat Pakan Tepat untuk Koi. Hlmn 47. Jakarta:AgroMedia.

Rujukan[sunting | sunting sumber]

  • Afrianto Eddy, Liviawaty E. 2002.Pemeliharaan Kepiting. Jakarta: Kanisius.
  • Afrianto Eddy, Liviawaty E. 2002.Pakan Ikan Dan Perkembangannya. Jakarta: Kanisius.
  • Azhari. 2003.Jakarta city tour: tragedi, ironi, dan teror. Jakarta: AgroMedia.
  • Kartadisastra. 2003.PENGELOLAAN PAKAN AYAM, Kiat Meningkatkan Keuntungan dalam Agribisnis Unggas. Jakarta: Kanisius.
  • Khairuman, Amri K. 2003.Pembenihan & Pembesaran Gurami secara Intensif (ed. Revisi). Jakarta: AgroMedia.
  • Tiana AH dkk. 2002. Memilih & Membuat Pakan Tepat untuk Koi. Hlmn 22. Jakarta:AgroMedia.
  • Tiana OA, Murhananto. 2004.Membedah Rahasia Sukses Memelihara Koi. Halaman : 48. Jakarta: AgroMedia.
  • Z Akhmad, Rahmadi A. 2002. Memilih & Membuat Pakan Tepat untuk Lou Han. Hlmn 47. Jakarta:AgroMedia.
Sumber artikel punika saking kaca situs web: "http://jv.wikipedia.org/w/index.php?title=Pakan&oldid=829540"