PHP

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
PHP

PHP utawi Hypertext Preprocessor inggih menika basa skrip ingkang dipunseselaken dhateng HTML. PHP menika kathah kanggé mrogram situs web ingkang dinamis. PHP menika ugi saged kanggé mbangun CMS .

Sejarah PHP[sunting | sunting sumber]

Purwakanipun PHP menika singkatan saking Personal Home Page (situs personal). PHP pisanan dipundamel déning Rasmus Lerdorf nalika tahun 1995 [1] Nalika rumiyin PHP tasih kanthi nama Form Interpreted (FI) ingkang awujud kempalan skrip kanggé ngolah data formulir saking web.

Saklajengipun Rasmus ngrilis kode sumber kasebut kanggé umum kanthi nama 'PHP/FI. Kanthi kode menika sumber dados kabikak satemah kathah pemogram (tiyang ingkang mrogram) ingkang tumut ngembangaken PHP.

Wonten ing November 1997, karilis PHP/FI 2.0. Wonten ing ngriki, interpreter PHP sampun dipun-implementasi dhateng program C. Wonten ugi modul-modul ekstensi ingkang ngginggilaken PHP/FI.

Nalika taun 1997, perusahaan kanthi nama Zend menika ngrilis malih interpreter PHP satemah dados langkung saé saha langkung cepet. Saklajengipun wonten ing Juni 1998, perusahaan kasebut ngrilis interpreter énggal kanggé PHP saha dipun-resmekaken minangka PHP 3.0. Kejawi menika singkatan PHP ugi wonten éwah-éwahan inggih menika Hypertext Preprocessing.

Ing madyaning taun 1999, Zend ngrilis interpreter PHP enggal malih lan kawéntar dados PHP 4.0. PHP ingkang versi menika kalebet versi ingkang langkung kathah dipunagem wonten ing wiwitan abad 21. PHP versi 4.0 menika kathah kaginakaken amargi saking kemampuan mbangun aplikasi web ingkang kompleks ananging tetep cepet.

Boten cekap menika kemawon, wonten ing Juni 2004, Zend ngrilis PHP 5.0. Wonten ing versi menika, inti saking interpreter PHP gadhah ewah-ewahan ingkang ageng. Versi menika nglebetaken model pemograman kanthi orientasi objek dhateng PHP kangge njawab pangembangan basa pemograman dhateng arah paradigma kanthi orientasi objek [1].

Kaluwihan PHP[sunting | sunting sumber]

  • Basa pemrograman PHP menika basa script ingkang boten nglakokaken kompilasi wonten pangginaan.
  • Web Sever ingkang ndukung PHP saged dipunpanggihaken wonten pundi-pundi wiwit saking apache, IIS, Loghttpd]], dumugi Xitami kanthi konfigurasi relatif gampil.
  • Saking sisih pangembangan langkung gampil awis kathahing milis-milis lan developer ingkang samekta paring pambiyantu kanggé pangembangan.
  • Babagan pemahaman, PHP kalebet basa scripting ingkang paling gampil amargi kagungan rèferensi ingkang kathah.
  • PHP menika basaopen source ingkang saged kaginakaken wonten ing mesin Linux, Unix, Macintosh, lan Windows [2].

Cathetan suku[sunting | sunting sumber]

  1. ^ a b [1], PHP(dipun-akses tanggal 30 Oktober 2012)
  2. ^ [2], PHP dan MYSQL (dipun-akses tanggal 30 Oktober 2012)
Sumber artikel punika saking kaca situs web: "http://jv.wikipedia.org/w/index.php?title=PHP&oldid=835029"