Origenes

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Origenes, cendekiawan paling hébat abad katelu

Origenes (basa Yunani: Ὠριγένης) lair ing Alexandria watara taun 185.[1] Dhèwèké asalé saka keluwarga Kristen kang salèh.[1] Kira-kira ing taun 201, bapak saka salah sijiné tokoh gréja kang misuwur kuwi, Leonidas, dikunjara ing sapanggonan disiksa déning Septimus Severus.[1] Origenes nulis surat kanggo bapaké kang ana ing pakunjaran supaya ora mbaléla Kristus demi keluwargané.[1] Nanging Origenes péngin nyerahaké awaké ing panguwasa supaya bisa dadi martir bareng-bareng karo bapaké, nanging ibuné nglarang lan ndhelikaké sandhangané supaya ora lunga.[1]

Sawisé Leonidas mati dadi martir, bandané disita, lan bojoné ora kerumat lan anak-anaké kang ana 7.[1] Origenes wiwit kerja dadi guru sastra Yunani lan panyalin naskah.[1] Amarga akèh wong-wong pinter kang wis mati, Alexandria kang disiksa, saéngga sekolah katekisasi Kristen butuh banget tenaga kanggo mulang.[1] Ing umur 18 taun, Origenes wis dadi kepala sekolah ing sekolah katekisasi kuwi lan wiwit mulang sinau lan nulis.[1]

Origenes uripé asketis, wektu urip dientèkaké ing wayah bengi kanggo sinau lan dedonga, sarta turu ing ngisor tanpa dilèmèki apa-apa.[1] Kuwi dilakokaké amarga Origenes setya karo gréja lan nggawa kurmatané asma Kristus.[1]

Origenes panulis kang prodhuktif banget.[2] Origenes bisa gawé sekretaris kang cacahé 7 kabèh bisa kerja kanthi apik.[2] Origenes wis ngasilaké luwih saka 2000 karya, salah sijiné yaiku tafsiran-tafsiran ing saben kitab ing Alkitab sarta atusan khotbah.[2]

Karyané "Hexapla" kalebu karya kang nduwèni prèstasi ing babagan kritik tèks.[2] Ing njeroné karya kuwi, Origenes nyoba nemokaké pertalan Yunani kang paling apik kanggo Prajanjèn Lawas, lan ing enem kolom kang padha dhèwèké gunakaké Prajanjèn Lawas Ibrani, yaiku transliterasi Yunani, 3 pertalan Yunani lan Septuaginta.[2] "Nglawan Celsus" yaiku karya gedhé kang kalebu bètèng kanggo kristen ing serangan kafir.[2] "Atas Prinsip Pertama" kalebu sarana kang pisanan kanggo téologi sistematis; Origenes kanthi saksama nliti keyakinan Kristen ngenani Allah, Kristus, Hyang Roh Suci, penciptaan, jiwa, kekarepan bébas, kaslametan lan Kitab Suci.[2]

Cathetan sikil[sunting | sunting sumber]

  1. ^ a b c d e f g h i j k (id)Origenes (Diaksès tanggal 3 Agustus 2011)
  2. ^ a b c d e f g (id)Origenes (Diaksès tanggal 3 Agustus 2011)
Sumber artikel punika saking kaca situs web: "http://jv.wikipedia.org/w/index.php?title=Origenes&oldid=831618"