Onryō

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lukisan Onryō karya Hokusai, seniman jepang zaman Edo.

Onryō (怨霊?) inggih menika satunggaling makhluk gaib wonten ing cerita rakyat Jepang ingkang gadhah kemampuan kanggé medal ing alamipun manungsa kanthi ancas balas dendam [1]. Wonten ing legenda lan cerita rakyat, kathaipun onryō menika arwah wanita, ananging onryō kakung ugi naté dipunsebataken, mliginipun wonten ing pamentasan kabuki. Miturut legenda, onryōmenika kalebet wujud saking arwah manungsa ingkang nalika tasih gesang pikantuk masalah lajeng séda. Masalahipun manéka warni kados masalah politik, katresnan, ekonomi, lan sanèsipun [2]. Bibar tilar donya, arwah kasebut dados arwah penasaran. Asal mula onryō boten tamtu, ananging saged diputelusur dumugi abad kapingi 8 M babagan gagasan bilih jiwa ingkang nembé muring lan kebak kalihan dendam saged paring pengaruh ing donyanipun manungsa

Miturut kapitadosan Jepang, donya arwah menika kapérang dados tigang lapisan inggih menika : surga (高天原 Takama ga hara?), alam hayat utawi alam pagesangan (葦原の中つ国 Ashihara no nakatsukuni?), lan alam maut utawi alam kematian (黄泉の国 Yomi no kumi?). Sinten kemawon ingkang seda, arwahipun lajeng kesah dhateng Yomi. Ugi miturut para Kami (dewa) ugi kados mekaten. Sanajan miturut mitologi Jepang jiwa ingkang sampun wonten ing alam maut boten saged kondur marang alam hayat, ananging jiwa ingkang kuwat saged paring pengaruh ing alam hayat adheshasar niat ingkang saé ugi ingkang ala. Wonten ing Kojiki (711-2) (kitab paling tua kitab babagan sejarah Jepang ingkang kawiwitan saking mitos pangriptanipun) kacariyosaken bilih nalika dewi Izanami seda, piyambakipun saged maringi kutukan saking Yomi dhateng alam hayat. Wonten ing pangertosan ingkang sami, onryō mengacu dhateng arwah mliginipun manungsa ingkang éwah amargi émosi ingkang ageng sanget kanggé nglampahi tumindak ala kasebut. Cathetan wiwitan babagan kawontenanipun onryō kapanggihaken ing Shoku Nihongi (797): satunggaling pejabat tinggi, Fujiwara no Hirotsugu (藤原広嗣? seda taun 740), ingkang kelangan kekuawosan lan dipunkalahaken ing pemberontakan ing boten kasil nglawan Genbō. Dipunandharaken bilih bibar piyambakipun séda, awahipun damel cilaka Genbō dumugi seda.[3]

Dipunpitadosi bilih onryō obah saking kekajengan balas dendam, tuladhanipun kados Hirotsugu mungsuh Genbō. Wujuding balas dendam dipunpitadosi béda-béda wiwit saking kesialan mungsuhipun dumugi bencana alam : gempa bumi, kobongan, badai, wabah, lan kelaparan.

Pirsani ugi[sunting | sunting sumber]

Referensi[sunting | sunting sumber]

  1. ^ (id) Yurei, (dipunakses tanggal 10 Februari 2013)
  2. ^ (id) Hantu tradisonal, (dipunakses tanggal 10 Februari 2013)
  3. ^ Titsingh, Isaac. (1834). Cithakan:Google books; Herman Ooms. (2009).Cithakan:Google books
  • Iwasaka, Michiko; Toelken, Barre (1994), Ghosts and the Japanese: Cultural Experiences in Japanese Death Legends, Utah State University Press, ISBN 0874211794

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Onryō&oldid=836747"