Oni (cerita rakyat)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Oni abrit (mawi kalih sungu) sareng kalihan oni biru (mawi setunggal sungu)

Oni (?) inggih menika jinising makhluk kuwat, ala, lan damel ajrih ingkang dipunpitadosi gadhah kekuwatan supranatural wonten ing kapitadosan Jepang. Oni menika dugi saking donya sanes mbeta bencana ugi nasib sae. Kekuwatan spiritual Oni menika damel ajrih lan dipunpitadosi ngandhut kekuwatan ingkang saé lan ala saengga dados objek pamujan sarta kawontenanipun dipunsingkiri.[1] Oni menika kalebet salah satunggalipun yōkai.

Wonten ing Basa Tionghoa, aksara hanzi kagem oni dipunwaos minangka "guǐ" ingkang ateges arwah ingkang sampun séda. Kangge tiyang Tionghoa, nama kasebut tabu menawi dipunsebut. Ing Jepang, aksara ingkang sami dipunwaos minangka oni (iblis), mono (arwah ingkang manggon), utawi kami.[1]

Wiwit saking zaman Heian, oni kagambaraken minangka tiyang jaler kanthi rambut gondhrong lan keriting. Gadhah mripat ingkang ageng lan damel ajrih. Ing sirahipun wonten kalih sungu (tanduk) (oni abrit) utawi sungu (oni biru). Tutukipun kebak waja ingkang wonten taringipun ugi drijinipun wonten kuku ingkang landhep sanget. Busana ingkang kaginakaken namung setunggalcawat (fundoshi) saking kulit macan. Gaman ingkang dipunbeta dipunwastani kanebō, awujud gada kebak eri-eri ingkang landhep.

Asal-usul[sunting | sunting sumber]

Gambaran sosok oni menika adhedhasar konsep budaya Tiongkok lan Onmyōdō ingkang netepaken mata angin timur laut minangka arahing sial utawi kimon (鬼門?) ("gerbang oni"). Mata angin timur laut wonten ing antawisipun ler ("kerbau") lan wetan ("macan"), lajeng dipunserat dados ushitora ( kerbau-macan?). Kerbau gadhah sungu saengga oni kagambaraken mawi sungu. Waja mawi taring lan kuku ingkang landhep asalipun gambaran macan, saéngga prelu dipundamel cetha kanthi ngginakaken cawat saking kulit macan. Wonten ing carita rakyat, Momotaro mbrantas oni kanthi pambiyantu saking monyet, manuk pegar (pitik), lan anjing. Sedaya menika nama kéwan ingkang dados nama mata angin ingkang kuwalikan kalihan arah timur laut.

Shuten Dōji menika oni ingkang mapan wonten ing Provinsi Tamba. Piyambakipun ugi dipungambaraken gadhah sungu kanthi rikma abrit ing sirah ingkang tuwuh dados setunggal kalihan brengos , janggut, cambang, lan alis. Asta lan sukunipun kados tangan lan sikil beruang. Sanajan mekaten, wiwitanipun tiyang boten mangertos sosok oni ingkang nyatanipun. Wiwitanipun , oni menika pérangan ingkang boten katingal lan asalipun saking tembung "onu" (? menyembunyikan). Kadang kala piyambakipun kagambaraken minangka tiyang jaler bagus utawi wanita ayu ingkang remen mangsa tiyang jaler utawi wanita enèm ingkang dados kekajenganipun. Gambaran babgan oni ingkang samenika tiyang mangertos, dipunprakirakaken sampun kecampur kalihan sosok raksesa [2].

Oni wonten ing carita rakyat asring dipungambaraken mawi kulit abrit lan rikma pirang utawi coklat tua. Sosok oni asalipun saking tampilan bajak laut ingkang dugi saking perairan sekitar [Rusia]]. Kulit ingkang putih dados abrit sasampunipun kenging srengéngé. Penduduk ingkang naté mirsani tiyang asing banjur mastani tiyang kasebut oni [3].

Cathetan suku[sunting | sunting sumber]

  1. ^ a b "Oni". Encyclopedia of Shinto. Establishment of a National Learning Institute for the Dissemination of Research on Shinto and Japanese Culture. http://eos.kokugakuin.ac.jp/modules/xwords/entry.php?entryID=220.
  2. ^ (id) Kumpulan cerita rakyat Jepang, (dipunakses tanggal 7 Februari 2013).
  3. ^ (id) Kumpulan cerita rakyat Jepang yang terkenal, (dipunakses tanggal 7 Februari 2013).

Pranala njawi[sunting | sunting sumber]

Logo Wikimedia Commons
Pirsani galeri bab Oni ing Wikimedia Commons.

Cithakan:Japanese folklore long

Cithakan:Jepang-mitos-stub