Onggi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Onggi

Onggi menika jinising tempayan ingkang dipundamel saking tembikar lan dipunginaken kanggé kapreluan padintenan wonten ing Korea.[1][2][3] Tiyang Korea ngginakaken Onggi minangka papan kanggé nyimpen dhaharan tradisional kados kimchi, jeotgal, kecap asin (ganjang), saos gochujang, doenjang lan sanèsipun.[2] Istilah onggi menika tumuju ing kalih jinis tembikar, ingkang dipunglasir ugi ingkang boten dipunglasir.[3]

Sajarah[sunting | sunting sumber]

Miturut prakiraan Onggi menika kagungan sajarah ingkang sami dawanipun kalihan jinis dhaharan fermentasi ingkang disimpen wonten ing jeronipun. [3] Boten dipunmangertosi saking kapan Onggi menika wiwit dipundamel, ananging dumugi samenika onggi tasih dipunginakaken déning rakyat Korea kangge nyimpen dhaharan fermentasi.[1][3] Nalika zaman Tiga Kerajaan, teknik anggènipun damel piranti-piranti tembikar menika mekar kanthi cepet amargi dipunginakaken kanggé nyimpen dhaharan lan palawija.[3] Perangan menika saged dipunbuktèkaken saking dokumen sajarah lan lukisan.[3] Samguk sagi nyebataken babagan Raja Sinmun saking Kerajaan Silla ingkang ngirim arak, pasta dangsul lan asinan dhaharan laut minangka bebingah kawinan dhateng ratunipun.[3] Saged dipuntarik dudutan bilih papan kanggé nyimpen dhaharan kasebut menika onggi. [3] Cathetan sajarah Dinasti Song, Gaoli Dujing nyebataken bilih rakyat Goryeo nyimpen dhaharan lan unjukan ing tempayan ingkang dipunsebat ong lan suong.[3] Manéka seratan lan lukisan ugi paring kathah andharan babagan onggi nalika masa Dinasti Joseon.[3] Ing masa menika, onggi dipunginakaken kanggé nyimpen dhaharan lan unjukan ingkang dipundamel ing sapérangan papan kados Mapo lan Noryangjin.[3] Ing buku Imwon Gyeongjeji ingkang dipunserat déning Seo Yu-gu wonten ing pungkasan periode Dinasti Joseon, nyebataken bilih tempayan kanggé nyimpen minuman keras lan dhaharan fermentasi dipunsebat ong utawi eng.[3] Jinis-jinis tempayan sanèsipun menika dipunparingi nama benten-benten adhedhasar ukuran lan ginanipun.[3]

Jinis onggi[sunting | sunting sumber]

Wonten ing metode pedamelan barang pecah belah korea, kanthi wiyar istilah dojagi (tembikar) tumuju ing pirantos ingkang kadamel saking lemag ingkang dipunbakar lan dipunglasir lajeng dipunpérang malih dados jinis dogi (keramik) lan jagi (porselen).[3] Onggi kalebet ing kategori dogi ingkang dipunbedakaken malih dados chil lan oji.[3] Chil menika jinising onggo ingkang boten dipunglasir .[3] Chil kagungan ciri khas werni abu-abu peteng ingkang asalipun saking panyerepan kukus nalika proses pambakaran, permukaaninipun boten mengkilat lan kasar.[1][3] Onggi ingkang dipunglasir dipunsebat oji, ingkang kagungan ciri kados chil dipunlapisi jelaga namung dipunlapisi kalihan sarem, awu godhong, damèn lan kayu ingkang dipunobong.[1][3] Sarem menika dipunsebat ing tungku nalika temperatur dumugi tingkat tartamtu lan sumub (uap) ingkang dipunasilaken wonten interaksi kalihan kimiawi lemah lan kukus saéngga damel permukaan glasir ingkang alus lan atos.[1][3]

Keluwihan[sunting | sunting sumber]

Onggi boten namung kaginakaken minangka papan kanggé nyimpen, ananging kanggé nambah rasa dhaharan ing jeronipun.[3] Keluwihan onggi menika mapan wonten ing kapasitas panyimpenan, ventilasi, sarta kesagedan anggènipun adaptasi kalihan kawontenan iklim.[3] Dhaharan ingkang dipunsimpen wonten ing onggi, kados kimchi lan doenjang raosipun sansaya sé lan langkung seger tinimbang dipunsimpen wonten ing wadah plastik utawi stainless steel.[3] Onggi gadhah saluran ventilasi ingkang boten ketingal saéngga dipunanggep saged napas. [3]

Pirsani ugi[sunting | sunting sumber]

Cathetan suku[sunting | sunting sumber]

  1. ^ a b c d e (en)Lee Hyoung-kwon (SPRING 2002). "Lee Hyeon-bae : A Quest for Life-breathing Onggi". Koreana 16 (1): 58-63. http://koreana.kf.or.kr/viewPdf.asp?filename=2002_SPRING_E058.pdf.
  2. ^ a b (en)Rha, Sunhwa (2006). Pottery, Korean Traditional Handicrafts. Ewha Woman University Press, Seoul. p. 11-29. ISBN 89-7300-682-7-04630.
  3. ^ a b c d e f g h i j k l m n o p q r s t u v w (en)Lee Young-ja (SPRING 1999). "Onggi: Living and Breathing Crockery from the Choson Dynasty". Koreana 13 (4): 66-71. http://koreana.kf.or.kr/pdf_file/1999/1999_WINTER_E066.pdf.
Sumber artikel punika saking kaca situs web: "http://jv.wikipedia.org/w/index.php?title=Onggi&oldid=843190"