Omas

Saka Wikipédia Jawa, bauwarna mardika basa Jawa
Omas

Omaswati punika salah satunggaling aktris saha pelawak Indonésia.[1] Omaswati langkung misuwur kanthi jeneng Omas.[1] Omas punika adhi saking pelawak ingkang namanipun Mandra.[2] Omas miwiti kariripun kanthi main ing kesenian tradhisional Batawi ingkang dipunwastani Lenong.[1] Kajawi punika, Omas ugi asring tampil wonten ing tivi dados pemeran pendukung wonten ing sinétron.[1] Omas ugi asring main wonten ing acara-acara lawak ingkang dipunbabaraken wonten ing tivi.[1]

Jadwal manggung ingkang padat sanget ndadosaken Omas gadhah rejeki ingkang kathah.[1] Omas ingkang misuwur ugi amargi dados seniman Batawi punika milih nginvèstasiaken artanipun wujud tanah.[1] Omas ngakeni bilih nalika alit Omas gadhah gesang ingkang sisah saha prihatin.[1] Omas ugi nedahaken bilih kawontenan ingkang mulya ingkang ditampi Omas punika amargi jasanipun tiyang sepuhipun Omas.[1] Bapakipun Omas naté ngendikan bilih panjenenganipun boten gadhah bandha nanging namung gadhah seni, pramila omas dipundhawuhi kanggé ngembangaken seni punika kanggé sangu wonten ing pagesangan.[1]

Asilipun sapunika seni Batawi sampun pikantuk panggénan wonten ing pentas budaya nasional.[1] Omas ugi ngaken bilih Omas remen ningali kawontenan budaya Batawi ingkang sampun saged misuwur wonten ing masarakat Indonésia saha boten namung wonten nalika riyaya tanggap warsa kutha Jakarta kémawon.[1]

Sinetron[besut | besut sumber]

  • Matahariku minangka Omas
  • Upik Abu dan Laura minangka Omas
  • Cinta Fitri minangka Enyak Marzuki

Cathetan suku[besut | besut sumber]

  1. a b c d e f g h i j k l kapanlagi.com(dipunundhuh tanggal 12 September 2011)
  2. selebriti.kapanlagi.com(dipunundhuh tanggal 12 September 2011)