Olga Syahputra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Olga Syahputra

Yoga Syahputra utawa kang dikenal kanthi jeneng Olga Syahputra (lair ing Jakarta, 8 Februari 1983; umur 31 taun) yaiku salah sijiné aktor, pelawak, lan presenter kang asalé saka Indonésia.[1] Olga kerep main peran dadi waria. Ananging Olga ora gelem yèn dhéwéké diarani nduwéni kelainan seks.[1]

Karir[sunting | sunting sumber]

Olga Syahputra iku anak pambarep saka pitu sedulur. [2]Dheweke keturunan Padang- Jawa. Olga anak saka pasangan Nur Rachman lan Nurhida.[2] Olga nduwéni kasenengan njaluk tandhatangan lan foto bareng karo idholané. Saya suwe Olga ditawani main ing film Lenong Bocah. [2]Sadurungé main ing Lenong Bocah, Olga kudu gladhen dhisik ingSanggar Ananda.[2] Amarga ora nduwé dhuwit, Olga banjur adol kulkas supaya bisa mbayar kursus ing Sanggar Ananda.[2] Kanca raketé Olga kang jenengé Bertrand Antolin banjur rumangsa mesaké lan nukokaké kulkas anyar kanggo Olga.[2]

Nalika isih aktif gladhen ing Sanggar Ananda, Olga uga kerep melu syuting sanajan mung dadi peran pembantu. Olga uga tau dadi asisten penyanyi kang jenengé Rita Sugiarto.[3] Sawisé Olga main ing sinetron Kawin Gantung lan Si Yoyo, Olga dadi presenter Ngidam ing SCTV. Olga dadi presenter karo Jeremy Thomas.[3] Olga uga bisa nglawak ing acara komedi Jangan Cium Gue lan Extravanganza ABG.[3] Nalika nggabung karo Extravanganza ABG ing taun 2005, jeneng Olga wiwit dikenal.[3] Jenéng Olga Syahputra banjur misuwur nalika mlebu taun 2007. [3]Nalika iku Olga nggabung karo Indra Bekti lan Indy Barends ing acara Ceriwis kang disiyaraké ing Trans TV.[3]


Cathetan suku[sunting | sunting sumber]

  1. ^ a b (id)Olga Syahputra Disangka Bencong Beneran sctv.co.id(dipunundhuh tanggal 7 Juli 2011)
  2. ^ a b c d e f (id)Profil di Krosceknews.com(dipunundhuh tanggal 7 Juli 2011)
  3. ^ a b c d e f (id)Olga Syahputra, Modal Sok Akrab(dipunundhuh tanggal 7 Juli 2011)
Sumber artikel punika saking kaca situs web: "http://jv.wikipedia.org/w/index.php?title=Olga_Syahputra&oldid=830476"