Oklahoma City Thunder

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Logo Oklahoma City Thunder

Cithakan:Tim NBA Oklahoma City Thunder inggih punika tim bal basket saking kutha Oklahoma City, Oklahoma, Amerika Serikat ingkang kagabung wonten ing National Basketball Association. Thunder minangka inkarnasi saking tim Seattle SuperSonics ingkang sakmenika boten malih ndhèrèk kompetisi NBA . Tim punika wiwit ndhèrèk NBA rikala musim (2008-09) kanthi pertandhingan ingkan kapisanan nglawan Milwaukee Bucks (partai tandhang), ing pundi Thundher kawon kanthi skor 98-87.

Éwadéné minangka sawijining tim inkarnasi, Thundher boten migunakaken lambang, warni, lan logo SuperSonics. Sajarah SuperSonics rumiyin (1967-2008) ugi boten badhé dipunandharaken ("dipunginakaken sesarengan") antawising Oklahoma City NBA punapa déné tim NBA ingkang nembe wonten ing Seattle. Déné pemain ingkang nalika musm kapungkur migunakaken sragam SuperSonics (kalebet pemain ingkang dipun-draft déning Sonics nalika NBA Draft 2008) badhé main kanggé tim Oklahoma City. Manajemen tim lan pelatih kepala ingkang ngurui lan nangani tim Oklahoma City ugi kapendhet saking Seattle Sonics.

Penamaan tim[sunting | sunting sumber]

NBA sampun maringi deadline saperlu pados identitas énggal kanggé Oklahoma City NBA paling telat September, ananging NBA ngarepaken identitas énggal kanggé tim punika badhé dipunbiwarakaken nalika wulan Agustus.[1] Éwadéné wonten sumber ingkang ngandharaken piyambakipun caket kaliyan ingkang kagungan grup pemilik NBA ingkang ngandharaken dhumateng reporter bilih tim punika badhé dipunsukani nama Oklahoma City Thunder[2], ananging NBA maringi nama potensial kanggé tim punika: Barons, Bison, Energy, Marshalls, Wind, lan Thunder.[3]

Tundhanipun nalika tanggal 3 September 2008, Oklahoma City NBA kanthi resmi dipunbiwarakaken déning ofisial tim kanthi nama Oklahoma City Thunder lan sampun katemtokaken logonipun. Déné jersey lan maskot badhé dipunbiwarakaken ing pungkasaning wulan September.[4]

Nomor ingkang dipunpensiunaken[sunting | sunting sumber]

Nalika Oklahoma City taksih drnég ménsiunaken nomor jersey satunggal kemawon, Seattle Sonics sampun mensiunaken 6 nomor jersey, kalebet ugi mikropon ingkang dipundekasikaken dhateng penyiar Bob Blackburn ingkang sampun dados penyiar Sonics wiwit taun 1967 dumugi taun 1992.

Cathetan Suku[sunting | sunting sumber]

  1. ^ "NBA gear arrives for nameless Oklahoma City team", KFOR-TV, 2008-07-16. diaksès tanggal 2013-03-12. 
  2. ^ "Source Tells KOCO OKC NBA Team To Be Named Thunder", KOCO, 2008-07-18. diaksès tanggal 2013-03-12. 
  3. ^ "New Possible Domains Registered For OKC NBA Team", KOCO, 2008-07-25. diaksès tanggal 2013-03-12. 
  4. ^ "Oklahoma City will be named Thunder, wear blue, orange, yellow", KOCO, 2008-08-03. diaksès tanggal 2013-03-12. 


Cithakan:NBA