Nila Djuwita Anfasa Moeloek

Saka Wikipédia Jawa, bauwarna mardika basa Jawa
Nila Djuwita Anfansa Moeloek

Nila Djuwita Anfasa Moeloek (lair ing Jakarta, 11 April 1949; umur 74 taun).[1] Nila Djuwita iku ahli oftalmologi (ngèlmu lelara mata) lan guru besar Fakultas Kedhokteran Universitas Indonésia.[1] Saliyané iku, Nila uga dadi ketua umum Dharma Wanita Persatuan Pusat nalika periode 2004-2009.[1]

Nila Djuwita Anfasa Moeloek iku bojoné Farid Anfasa Moeloek ya iku Mantri Keséhatan nalika ing Kabinet Reformasi Pembangunan.[1] Nila Djuwita uga dadi kandidat calon Mantri Keséhatan ing Kabinet Indonésia Bersatu II sawisé mèlu prosès seleksi calon mantri nalika tanggal 18 Oktober 2009.[1] Nanging Présidhèn SBY resmi milih Sri Endang Setianingsih dadi mantri keséhatan.[2] Jeneng Nila Juwita Anfasa Moeloek kang sadurungé wis diundang ing Cikeas batal dadi wong nomer siji ing Departemen Keséhatan (Depkes).[2] Nila dikabaraké ora loos tes keséhatan.[2] Mulané Nila banjur diganti karo Endang.[2] Prof. Dr. dr. Nila Djuwita Farid Moeloek, SpM kang akrab diundang kanthi jeneng Nila iki dadi guru besar (pakar) lan aktivis keséhatan.[3] Guru Besar lan Ketua Medical Research Unit Fakultas Kedhokteran UI iki ora sida njabat dadi Mantri Keséhatan RI periode 2009-2014 nggantekaké Siti Fadilah Supari.[3] Nila iku dhokter Spesialis Mata kang aktif ing organisasi.[3] Ora ana katrangan resmi saka Présidhèn SBY lan Wapres Boediono, ngenani Nila kang ora sida diangkat dadi Mantri Keséhatan.[3] Nanging Nila nerangaké sajeroning pemriksaan kaséhatan yèn Nila ora tahan stress.[3] Nila uji keséhatan lan kejiwaan ing RSPAD Gatot Subroto.[3] Saliyané njabat dadi Ketua Umum Dharma Wanita Persatuan dhokter spesialis tumor mata iki uga aktif dadi anggota Ikatan Dhokter Indonésia (IDI), anggota Persatuan Dhokter Mata Indonésia (Perdami), anggota International Society Orbital Disorder, Oculoplastic and Lacrimal Surgery, Ketua BPK PP Perdami lan Ketua/Anggota Seminat Tumor Mata-Plastik Rekonstruksi Perdami.[3]

Cathetan suku[besut | besut sumber]

  1. a b c d e tokohindonesia.com Archived 2016-03-04 at the Wayback Machine.(dipunundhuh tanggal 22 Agustus 2011)
  2. a b c d solopos.com(dipunundhuh tanggal 22 Agustus 2011)
  3. a b c d e f g tokoh-indonesia.com Archived 2011-09-07 at the Wayback Machine.(dipunundhuh tanggal 22 Agustus 2011)