Nh. Dini
Nurhayati Sri Hardini Siti Nukatin utawi langkung kondhang kanthi cekakan Nh. Dini, lair 29 Februari 1936 ing kitha Semarang, Jawa Tengah, punika satunggiling sastrawan penulis Indonesia ingkang prodhuktif. Satamatipun saking SMA jurusan sastra taun 1956, piyambakipun tumut kursus Pramugari Darat Garuda ing Jakarta. Saklajengipun ndhèrèk kursus B-1 jurusan Sajarah taun 1957. Piyambakipun mboten namung remen nyerat carios cekak kémawon, nanging ugi nyerat sajak, naskah sandhiwara radhio lan novel. Taun 1960, Dini dipun sunting déning pemudha Prancis, Yves Coffin, Konsul Prancis ing Kobe, Jepang lan ngantos sapunika gadhah putra kalih, Marie-Claire Lintang lan Pierre Louis Padang. Putra pambarep sapunika lenggah wonten ing Kanada, déné ingkang wuragil wonten ing Prancis. Wiwit tanggal 16 Desember 2003, Nh. Dini ngalih saking Semarang, salajengipun manggèn wonten kompleks Graha Wredha Mulya, Sinduadi, Mlati, Sleman, Yogyakarta.
Bab lan Paragraf |
Nyerat ing Kalawarti[sunting]
Wiwit taun 1951 Nh. Dini sampun miwiti nyerat, lan ing taun 1953 carios cekakipun sampun dipun amot wonten ing kalawarti Kisah, Mimbar Indonesia lan kalawarti Siasat.
Pakurmatan[sunting]
Sawetawis pakurmatan sampun naté dipun tampi, ing antawisipun minangka pamenang Lomba Penulisan Naskah Skenario kanggé Sandhiwara Radhio sa Jawa Tengah (1955), hadhiah pertama Lomba Penulisan Carios Cekak ing basa Prancis (1988), hadiah seni saking Kementerian P&K kanggé bidhang Sastra (1989), Piagam Penghargaan Upapradhana (1991) lan pakurmatan saking pamarentah Thailand arupi SEA Write Award ing bidhang sastra.
Karya[sunting]
- Dua Dunia (1956)
- Hati Yang Damai
- La Barka (1975)
- Dongeng Dari Calia (1981)
- Pangeran Dari Seberang (1981)
- Kuncup Berseri (1982)
- Tuileries (1982)
- Segi Dan Garis (1983)
- Peri Polybotte (Dongeng Prancis 1983
- Orang-orang Tran (1983/1985)
- Sampar (1985)
- Jalan Bandhungan (1989)
- Pada Sebuah Kapal (Novel 1972/1985)
- Namaku Hiroko (Novel 1986)
- Sebuah Lorong Di Kotaku (Novel 1986)
- Pertemuan Dua Hati (Novel 1986)
- Keberangkatan (Novel 1987)
- Pada Ilalang Dibelakang Rumah (Novel 1987)
- Langit Dan Bumi Sahabat Kami (Novel 1988)
- Sekayu (Novel 1988)
- Tirai Menurun (Novel 1993)
Ugi Pirsani[sunting]
Pranala Jawi[sunting]
- (id) NH Dini (Nurhayati Sri Hardini Siti Nukatin) - Pengarang Sastra Feminis
- (id) Detail Buku - Dari Fontenay Ke Magallianes - Nh Dini
- (id) Buku-buku Nh Dini - Cermin Batin Perempuan
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.Kategaori:Rintisan Umum
