Nasti
 |
Artikel punika pinuju ngalami éwah-éwahan ageng ngantos 28 Pebruari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Addbot (Kontrib • Log) 65 dinten 377 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
Nasti (obah nasti) yaiku obahé bagéyan tanduran sing diprabawani dèning rangsangan, nanging arahé ora gumantung saka tekané rangsangan kuwi.[1] Tembung Nasti asalé saka basa Yunani, yaiku nastos sing tegesé dipeksa nyedhak.[1] Mula, arah obah saka bagéyan awak tanduran sing obah nasti ditemtokaké dèning tanduran kuwi dhéwé.[1] Rangsangan sing asalé saka jaba (eksternal) kuwi bisa arupa cahya, suhu, dhemèkan/sénggolan, bahan kimia, sarta kahanan sing peteng.[2] Rangsangan kuwi njalari malihé tekanan turgor, yaiku tekanan banyu ing témbok sèl amarga malihé kadhar banyu ing jero sèl saéngga sèl dadi mlembung. [3]
Bab lan Paragraf |
Jinis Obah Nasti [sunting]
Miturut jinis sumber rangsangané, obah nasti dibedakaké dadi enem, yaiku Fotonasti, Niktinasti, Tigmonasti, Termonasti, Haptonasti, Kemonasti, lan Nasti Kompleks.[4]
Fotonasti [sunting]
Fotonasti yaiku obah nasti amarga éntuk rangsangan cahya srengenge.[4] Tuladhané yaiku Kembang Pukul Empat (Mirabilis jalapa) sing mekrok ing wayah soré lan mingkup ing wayah ésuk.[4]
Niktinasti [sunting]
Niktinasti yaiku nasti amarga éntuk rangsangan kahanan sing peteng.[4] Aran Niktinasti asalé saka basa Yunani yaiku nux sing tegesé bengi.[4] Padatan , godhong-godhong tanduran polong-polongan (Leguminosaceae) mingkup nalika bengi.[4] Godhong-godhong kasebut mbuka manèh nalika wis ésuk.[4] Kajaba kuwi, niktinasti uga dijalari amarga malihé tekanan turgor ing jero sendi godhong.[4] Tuladhané yaiku godhong kembang turi sing padha mingkup nalika bengi.[4]
Tigmonasti [sunting]
Tigmonasti yaiku obah nasti sing dijalari ana rangsangan mekanis arupa demèkan utawa tekanan.[4] Aran tigmonasti asalé saka basa Yunani, yaiku thigma sing tegesé demèkan.[4] Obah tigmonasti uga diarani obah seismonasti.[4] Tuladhané yaiku mingkupé godhong putri malu (Mimosa pudica) nalika didemèk.[4]
Termonasti [sunting]
Termonasti yaiku obahé sebagéyan awak tanduran amarga éntuk rangsangan suhu.[5] Tuladhané yaiku Kembang Tulip lan Kembang Crocus sing mekrok amarga suhu sing munggah (atis) lan mingkup manèh nalika suhuné mudhun.[5]
Haptonasti [sunting]
Haptonasti yaiku obah nasti sing kadadèn tanduran insektivora amarga ana demèkan saka srangga.[4] Tuladhané yaiku mingkupé godhong kantong semar lan Venus nalika didemèk srangga cilik.[4] Yèn ana srangga méncok ing permukaan godhong, godhongé mingkup kanthi cepat. Saéngga sranggané ora bisa metu saka tanduran kuwi.[4]
Kemonasti [sunting]
Kemonasti yaiku obah nasti amarga ana rangsangan arupa zat kimia.[2] Tuladhané yaiku stomata sing mbuka ing wayah awan amarga ana karbondioksida.[2]
Nasti kompleks [sunting]
Nasti kompleks yaiku obah nasti amarga ana sawatara faktor utawa luwih saka siji faktor.[4] Rangsangan sing katrima bisa arupa cahya srengenge, suhu, banyu, lan zat kimia.[4] Tuladhané yaiku mbukak lan nutupé sèl-sèl stomata amarga ana rangsangan cahya srengenge, banyu, suhu, lan zat kimia.[4]
Cathetan Suku [sunting]
- ^ a b c (id)Gerak Nasti(diundhuh 17 Oktober 2012)
- ^ a b c (id)Gerak pada Tumubuhan(diundhuh 18 Oktober 2012)
- ^ Yatim W. 2007. Kamus Biologi. Jakarta:Obor.Hlm 160.
- ^ a b c d e f g h i j k l m n o p q r s (id)Jenis Gerak Nasti Tumbuhan(diundhuh 18 Oktober 2012)
- ^ a b (id)Termonasti(diundhuh 18 Oktober 2012)
