Nani Wijaya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Nani Wijaya

Nani Wijaya menika lair wonten ing Cirebon, Jawa Barat, nalika tanggal 10 November 1944.[1] Nani Wijaya menika misuwur dados salah setunggaling aktris senior ingkang dados bintang wonten ing sinetron-sinetron saha wonten ing film layar lebar.[1] Nani Wijaya menika estrinipun aktor saha sutradara ingkang anami Misbach Yusa Biran.[1] Kejawi menika, Nani Wijaya ugi dados ibunipun almarhum Sukma Ayu saha Cahya Kamila.[2]

Nani Wijaya sangsaya misuwur nalika akting wonten ing serial komedi situasi ingkang irah-irahanipun Bajaj Bajuri.[1] Nalika semanten, nani Wijaya akting dados karakter Emak ingkang licik saha kepéngin mimpagipun piyambak.[1] Nalika akting dados Emak, Nany Wijaya saged ndamel emosi tiyang ingkang mirsani.[1] Kejawi menika, Nani Wijaya ugi saged akting lucu ing sinetron komedi menika.[1]

Kejawi akting wonten ing serial komedia Bajaj Bajuri, Nani Wijaya ugi akting wonten ing serial tivi kanthi irah-irahan Intan.[1] Wonten ing ngriki, Nani WIjaya akting dados mbahipun Intan ingkang nggadhahi katresnan ingkang tulus.[1] Karekter tulus, jujur saha tanpa pamrih menika ndadosaken wayahipun ingkang anami Intan menika tansah nemu begja wonten ing pundhi-pundhi panggénan.[1] Kejawi akting wonten sinetron ing tivi, Nani Wijaya ugi naté akting wonten ing film layar lebar. [1]Film layar lebar ingkang naté dipunbintangi Nani wijaya inggih menika film kanthi irah-irahan Darah Tinggi nalika taun 1958, RA Kartini (1984), Catatan Si Boy 1 lan 4 (1987 lan 1990), Opera Jakarta (1986), Yang (1983), Si Jampang Mencari Naga Hitam (1969), Operation X (1968), Yang Muda Yang Bercinta (1978), saha Pencuri Cinta (1984).[1]


Chatetan suku[sunting | sunting sumber]

  1. ^ a b c d e f g h i j k l (id)selebriti.kapanlagi.com(dipunundhuh tanggal 27 September 2011)
  2. ^ (id)enersi.com(dipunundhuh tanggal 27 September 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Nani_Wijaya&oldid=858951"