Mustar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Mustar, Jenis mustar

Mustar utawa Moster ing basa Indonésia (Basa Walanda: mosterd; Basa Inggris: mustard) iku salah siji rempah-rempah kang asalé saka wiji sesawi (saka jinis Brassica lan Sinapis) kang dialusaké, sadurungé dièncèraké nganggo banyu lan ditambahi bahan liyané. Mustar nduwèni rasa rada pedhes lan rada nyegrak ing ilat lan ing telak, arep padha karo wasabi. Mustar wis asring digunakake minagka dadi bumbu ing Eropa.[1]

Mustar iku ana warna-warna, miturut karo bahan kang dianggo gawéné. Asalé mustar iku saka wiji tanduran sesawi putih (Sinapis alba), sesawi ireng (Brassica nigra), utawa sesawi soklat/India (Brassica juncea). Muster putih nduweni rasa kang lembut, yen mustar ireng rasane pedheslan nyegrak banget. Werna-werna mustar iki isih ana hubungane karo sawi (B. rapa), rapa (B. napus) lan kubis (B. oleracea). Wiji saka tanduran iki uga isa didakeake mustar, nanging ambune kurang, mula arang digunakake.[2]

Muster saka Dijon lan Meaux ing Prancis misuwur ing sadonya, ngono uga mustar Inggris saka Norwich lan Tewkesbury. Mustar anggone ngadol diwadhahi botol gelas lan botol plastik. Merek mustar kang ana ing Amerika Serikat yaiku : Plochman's, French's lan Gulden's. Merek muster Amora lan Maille ana ing Prancis, lan merek Colman's ana ing Inggris. Ing Jerman muster digunakake kanggo bumbu sosis bakar. Ing kana ana mustar merek Tom's.[2]

Cathetan sikil[sunting | sunting sumber]

  1. ^ (en)botanical.com Mustar (diundhuh tanggal 24 Agustus 2011)
  2. ^ a b (en)www.globalgourmet.com(diundhuh tanggal 24 Agustus 2011)
Sumber artikel punika saking kaca situs web: "http://jv.wikipedia.org/w/index.php?title=Mustar&oldid=832318"