Muséum Fatahillah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Museum Fatahillah)
Langsung menyang: pandhu arah, pados
Museum Fatahillah

Museum Fatahillah uga dikenal minangka Museum Sajarah Jakarta utawa Museum Batavia iku sawijining museum sing ana ing Dalan Taman Fatahillah No. 2, Jakarta Kulon kanthi wiyar luwih saka 1.300 meter persegi.

Sajarah[sunting | sunting sumber]

Plang Pèngetan Pambangunan Museum Fatahillah sing biyèné Balai Kutha

Gedhung iki biyèn dijenengi Stadhuis utawa Balai Kutha, sing dibangun taun 1707-1710 adhedhasar mandhat saka Gubernur Jendral Johan Van Hoorn. Gedhung dibangun wiwit tanggal 25 Januari 1707 lan diresmèkaké tanggal 10 Juli 1710. Bangunan balaikutha itu dirancang déning W.J.van der Velde mèh padha karo Istana Dam ing Amsterdam. Gedhung iki kapérang saka bangunan utama, bangunan sanding sing dipigunaaké minangka kantor, ruang pengadilan, lan ruang-ruang ngisor lemah sing dipigunaaké minangka pakunjaran.

Awalé, gedhung iki dipigunaaké kanggo kantor Gubernur Jendral, kantor Rood Van Justine, kantor College van Schepener;Weskammer, Balaikutha lan Déwan Urusan Kawin. Ing taun 1925 gedhung iki dadi kantor Gubernur Jawa Kulon tekan taun 1942. Déning Jepang ing taun 1942 gedhung iki dipigunaaké minangka markas militèr. Wulan Agustus – Desember 1945 dipigunaaké minangka Kantor Gubernur Jawa Kulon. Sawisé iku dipigunaaké minangka kantor Komando Militer Kutha (KMK) I banjur dadi Komando Distrik Militèr (KODIM) 0503 tekan taun 1972.

Wiwit taun 1972, Pamaréntah DKI Jakarta mugar gedhung iki lan didadèkaké minangka Gedhung Museum Sajarah Jakarta. Tanggal 7 Maret 1974, gedhung iki diresmèkaké minangka Museum Fatahillah déning Gubernur Ali Sadikin.

Arsitèktural[sunting | sunting sumber]

Panunjuk arah mata angin ing atap museum

Bangunané telung tingkat kanthi arsitèktur gaya Barok klasik abad kaping 17, cèté kuning lemah, kusèn lawang lan jendhela saka kayu jati werna ijo tuwa. Bagéyan atap utama ana panunjuk arah mata anginé.

Museum iki ambané luwih saka 13.000 meter persegi. Pekarangané mawa susunan konblok, ana blumbangé siji lan sapérangan wit sing wis tuwa.

Kolèksi Museum[sunting | sunting sumber]

Salah siji kolèksi mériam ing Museum Fatahillah

Obyèk-obyèk sing ing museum iki antarané tapak tilas sajarah Jakarta, réplika paninggalan mangsa Tarumanegara lan Pajajaran, asil pangedhukan arkeologi ing Jakarta, mèbel antik saka abad kaping 17 tekan 19, sing arupa gabungan saka gaya Éropah, Tiongkok, lan Indonésia. Uga ana keramik, gerabah, lan watu prasasti. Kolèksi-kolèksi iki ana ing manéka ruang, kayata Ruang Prasajarah Jakarta, Ruang Tarumanegara, Ruang Jayakarta, Ruang Fatahillah, Ruang Sultan Agung, lan Ruang MH Thamrin.

Ana uga sapérangan kolèksi kabudayan Betawi, numismatik, lan bécak. Malah saiki uga ana patung Déwa Hermes(miturut mitologi Yunani, arupa déwa kaberuntungan lan pangreksa kaum pedagang) sing mauné ana ing prapatan Harmoni lan mériam Si Jagur sing dianggep nduwèni kakuwatan magis. Saliyané iku, ing Museum Fatahillah uga ana tila pakunjaran ngisor lemah sing biyèn tau dipigunakaké ing zaman panjajahan Walanda.

Pranala njaba[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Muséum_Fatahillah&oldid=862714"