Museum Bahari

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Museum Bahari

Museum Bahari menika salah setunggaling museum ingkang nyimpen saha mamèraken kolèksi barang-barang ingkang anggadhahi sejarah ingkang nggadhahi gandèng cènèngipun kaliyan babagan kelautan negari Indonesia.[1] Museum Bahari menika dipundamel wiwit taun 1652 ngantos 1774 M.[1] Museum menika dipunanggep dados seksi sejarah ngadegipun kitha Batavia ingkang samenika dipunwastani kitha Jakarta.[1]

Miturut sejarahipun, Museum Bahari menika salah setunggaling wewangunan ingkang sampun dangu saking paninggalan VOC. [1]Museum menika dipundamel ingkang sepisanan nalika taun 1652 M.[1] Nalika jaman penjajahan Belanda (VOC), wewangunan menika dipunginakaken kanggé gudhang kangge nyimpen, milih saha ngepaki asil bumi ingkang dados komoditas utama VOC inggih menika rempah-rempah saha pakeyan.[1] Kekalihipun menika laris sanget menawi dipunpasaraken wonten Eropa. [1] Rempah-rempah menika kadosta pala, mrica, saha kopi, tèh, lan kain.[2]Wewangunan menika manggen persis wonten ing pinggiripun kali Ciliwung.[1] Wewangunan menika wonten ingkang manggèn ing sisih wétan saha wonten ugi ingkang manggèn ing sisih kilèn. [1]Namanipun inggih menika gudang barat (Westzijdsche Pakhuizen), saha gudang timur (Oostzijdsche Pakhuizen).[1] Miturut carios wewangunan menika dipunbangun sesarengan kaliyan rampungipun pambangunan Kitha Batavia (Jakarta) kaliyan Kongsi Dagang Walandi (VOC).[1] Rumiyin, wewangunan menika wonten témbok utawi bèntèng ingkang ngubengi wewangunan menika. [1]Tembok utawi bèntèng menika dipunpercanten dados wates kitha Jakarta kaliyan dhaérah-dhaérah sanésipun nalika jaman Walandi.[1] Museum Bahari gadhah 126 koleksi barang-barang sejarah kelautan.[1] Utamanipun kapal saha prau-prau niaga tradisional.[1] Saking kathah koleksi menika wonten 19 kolèksi prau asli saha 107 miniatur, foto-foto saha biota laut sanesipun.[1] Wonten ugi tilas gudhang rempah-rempah VOC Walandi ingkang manggèn ing pinggiripun Teluk Jakarta.[1]

Cathetan suku[sunting | sunting sumber]

  1. ^ a b c d e f g h i j k l m n o p q (id)id.wisatapesisir.com(dipunundhuh tanggal 17 September 2011)
  2. ^ (id)museumbahari.org(dipunundhuh tanggal 17 September 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Museum_Bahari&oldid=832857"