Musiyum Tridaya Éka Dharma

Saka Wikipédia Jawa, bauwarna mardika basa Jawa
Musiyum Tridaya Eka Darma

Musiyum Tridaya Eka Dharma inggih punika salah satunggaling musiyum ingkang wonten ing Sumatera Barat, Indonesia ingkang dumunung ing kutha Bukittinggi, papanipun wonten ing jalan Panorama No. 24, kalurahan Kayo Kubu, kacamatan Guguk Panjang, Bukittinggi, Sumatera Barat. Musiyum punika dipunresmikaken déning Mohammad Hatta, nalika tanggal 16 Agustus 1973. Musiyum ingkang gadhah koleksi atusan senjata jaman perang punika kabuka kanggé masarakat umum.[1]

Sajarah[besut | besut sumber]

Musiyum Tridaya Eka Darma Saking ngajeng

Musiyum punika rumiyin griya peristirahatan Gubernur Sumatera. Pambangunan musiyum punika dipunrancang déning Brigjen Widodo, salah sawijining pimpinan TNI wewengkon Sumatera Tengah. Gagasan mau lajeng dipunterasaken déning Brigjen Soemantoro saha dipunresmikaken dados musiyum nalika tanggal 16 Agustus 1973.[2]

Musiyum dipunsukani nama "Musiyum Perjuangan Tridaya Eka Dharma" ingkang tegesipun tigang unsur kekiyatan satunggal pengabdian. Nama punika saged dipungayutaken kaliyan falsafah Minang "Tigo Tungku Sajarangan". Musiyum punika dipunyasa kanggé sarana komunikasi antawisipun génerasi saha minangka pewaris semangat juang sarta aji-aji kepahlawanan.[2]

Dipunpilihipun kutha Bukittinggi minangka papan kanggé musiyum amargi kutha Bukittinggi naté dados kutha krajan provinsi Sumatera saha kutha krajan nagara Republik Indonesia nalika Papréntahan Darurat Republik Indonesia (PDRI).[2]

Koleksi[besut | besut sumber]

Maneka barang-barang bersejarah wonten ing Musiyum punika, antawisipun senapan laras panjang, senapan laras pendek, meriam, amunisi, granat, piranti perang, pemancar radio, piranti penerima sinyal, telepon sarta ugi ageman para bala Indonesia saha bala asing.[3]

Kajawi punika ugi wonten dokumentasi nalika jaman paprangan, wonten ugi kados ta foto kepemimpinan para jenderal, lokasi penyekapan para pahlawan revolusi, sarta foto para présidhèn Indonesia wiwit saking taun 1945 dumugi taun 2004.[4]

Wonten ing sisih njawi musiyum wonten ugi Pesawat Terbang AT-16, Harvard B-419 damelan Amérikah Sarékat ingkang rumiyin dipun-ginakaken nalika mbrasta Papréntahan Revolusioner Republik Indonesia ing Sumatera Tengah taun 1958, ingkang dipunoperasikaken ing Solok, Indarung, Bukittinggi saha Payakumbuh. Sabibaripun telas masa maburipun, pesawat terbang mau dipunsimpen ing depotlogistik ing Lanud Hussein Sastra Nagara wonten ing Bandung déning Staf Angatan Udara. Lajeng, nalika taun 1973 dipunpasrahaken dhumateng Musiyum Tridaya Eka Dharma kanggé dipundadosaken barang koleksi.[3]

Cathetan suku[besut | besut sumber]

  1. Museum Perjuangan Tridaya Eka Dharma(dipunundhuh tanggal 29 Oktober 2012)
  2. a b c [1](dipunundhuh tanggal 29 Oktober 2012)
  3. a b scribd.com Makalah B. Indonesia(dipunundhuh tanggal 29 Oktober 2012)
  4. [2]