Muséum Nasional Tokyo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tokyo Kokuritsu Hakubutsukan
Diadegaké 1872
Lokasi Flag of Japan.svg Taman Ueno, Tokyo
Jinis peninggalan budaya Jepang dan Asia
Gunggung pamirsa 1.528.000 (data tahun 2004)
Situs wèb www.tnm.jp


Museum Nasional Tokyo (東京国立博物館 Tokyo Kokuritsu Hakubutsukan) inggih punika museumingkang paling sepuh ing Jepang ingkang dumunung wonten ing Taman Ueno, Tokyo. Museum punika kabangun nalika taun 1872, pengelolanipun inggih punika Institut Nasional Peninggalan Budaya (Kokuritsu Bunkazai Kikō).

Koleksi kasungsun saking kasugihan budaya arupi barang seni saha peninggalan arkeologi Asia saha Jepang. Museum punika kasungsun saking 5 gedung pameran: gedung utama (galeri Jepang), Tōyōkan (galeri Asia), Heiseikan (arkeologi Jepang), Hyōkeikan (ruang pameran khusus), galeri barang pusaka Hōryū-ji, saha perpustakaan. Koleksinipun langkung saking 110.000 cacah, 87 antawisipun pusaka nasional Jepang, saha 610 peninggalan budaya ingkang wigati.

Sajarah[sunting | sunting sumber]

Wiwit saking sajarah museum ing Jepang inggih punika pameran barang-barang sajarah ingkang dipunadani dening Biro Museum Kementerian Pendidikan Jepang nalika taun 1872. Biro Museum dipundhirikaken setunggal taun saderengipun minangka panyelenggara pameran-pameran. Aula ingkang nama Taiseiden wonten ing Yushima Seidō, Tokyo dipundadaosaken lokasi pameran. Wonten ing iklan saha tiket mlebet nalika punika, nama museum kaserat minangka Museum Monbusho. Taun dipunadani pameran kasebut salajengipun katetepaken dados taun jumenengipun Museum Nasional Tokyo. Miturut rencana, barang-barang ingkang dipunpameraken badhe dipunkirim ing Pameran Dunia Wina taun 1873. Saking nishiki-e ingkang nggambaraken pameran nalika punika, ruangan pameran dipunkebaki dening kotak-kotak etalase saking kaca, lukisan, karya kaligrafi, barang-barang seni, artefak, spesimen, herbarium, saha opsetan kewan. Ing antawising barang ingkang dipunpameraken wonten penghias atap shachihoko emas saking Istana Nagoya. Miturut rencana, pameran dipunwiwiti tanggal 10 Maret 1872 saha naming 20 dinten. Pangunjung ingkang kapingin ningali kathah sanget, saengga kedah dipunwatesi. Saengga pameran dipunpungkasi dumugi pungkasan April 1872. Total cacahing pangunjung dipunprakirakaken dumugi 150.000 tiyang.

Nalika taun 1873, Museum Monbusho dipungabung kaliyan Kantor Pameran (Hakurankai Jimukyoku) ingkang wonten ing sangandhapipun Dajōkan. Papanipun ugi dipunpindah saking Yushima Seidō ke Uchiyamashita-chō (sakmenika Uchisaiwai-chō ing Chiyoda, Tokyo). Pameran taun 1873 dipunlangsungaken wiwit 15 April 1873 dangunipun tigang sepalih wulan. Koleksi museum nalika punika ugi nyakup spesimen kewan, tetuwuhann, saha batu mineral.

Kantor Pameran dipunsebut malih Museum (Hakubutsukan) nalika taun 1875, saha pengelolaan museum dipunalihaken dhumateng Kementerian Dalam Negeri. Nalika taun 1876, Hisanari Machida dipunangkat dados direktur museum ingkang angka pisanan. Machida inggih punika birokrat saking Domain Satsuma ingkang ndhiriaken gedung museum saha njagi peninggalan budaya nalika wiwitaning jaman Meiji. Amargi jasanipun, monumen pengetan Hisanari Machida dipunbangun ing wingking museum. Wiwit taun 1881, pengelolaan museum dados tanggel jawabipun Kementerian Pertanian dan Perdagangansaderengipun punalihaken dhumateng Badan Rumah Tangga Kekaisaran nalika taun 1886.

Pameran Promosi Industri Dalam Negeri (Naigoku Kangyō Hakurankai) ingkang angka pisan dipunadani taun 1887. Pameran kasebut dipunadani kanthi kawicaksanan fukoku kyōhei, shokusan kōgyō ingkang dipuntindakaken Pamarentah Meiji. Lokasinipun ing bekas papan kediaman biksu Kan'ei-ji (lokasi Museum Nasional Tokyo ingkang sakmenika). Wonten ing pameran kasebut, salah satunggaling gedung dipunagem saperlu mameraken barang seni, saha dados museum seni ingkang angka pisan ing Jepang. Miturut Machida, gedung sampun sempit saha bahaya nalika kadadosan kobongan. Panyuwuan Machida saperlu mindahaken lokasi pameran ing Taman Ueno dipunsengkuyung dening pamarentah.

Gedung ing Taman Ueno dipunrancang dening arsitek Josiah Conder. Lokasinipun ing bekas papan kediaman biksu Kan'ei-ji. Sasampunipun taun 1881, gedung kalih lante saking bata kasebut dipundadosaken papan Pameran Promosi Industri Dalam Negeri II. Nalika wulan Maret taun candhakipun, gedung ing Taman Ueno resmi dipundadosaken gedung utama museum. Gedung museum seni ingkang dipunbangun sekawan taun saderengipun saperlu Pameran Promosi Industri Dalam Negeri I dipundadosaken gedung ingkang angka kalih. Ananging kekalih gedung kasebut risak nalika gempa bumi besar Kanto 1923.

Cathetan Suku[sunting | sunting sumber]

Logo Wikimedia Commons
Pirsani galeri bab Muséum Nasional Tokyo ing Wikimedia Commons.