Mpu Sindok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Prasasti Mantyasih

Mpu Sindok inggih punika raja ingkang angka pisan saking Kerajaan Medang periode Jawa Timur ingkang jumeneng nata antawis taun 929947, kanthi gelar Sri Maharaja Rakai Hino Sri Isana Wikramadharmottunggadewa.[1]

Mpu Sindok kaanggep minangka pendiri dinasti énggal kanthi nama Wangsa Isana.[1]

Asal-Usul[sunting | sunting sumber]

Mpu Sindok nalika masa pamarentaha Dyah Tulodhong njabat dados Rakai Mahamantri Halu, denen nalika masa pamarentahan Dyah Wawa, minggah pangkat dados Rakai Mahamantri Hino. Kekalih jabatan punika minangka jabatan ingkang inggl ingkang naming saged dipunisi dening kulawarga raja. Kanthi mekaten, Mpu Sindok minangka sawijining bangsawan kelas inggil wonten ing Kerajaan Medang.[2]

Mpu Sindok kagungan garwa ingkang nama Sri Parameswari Dyah Kebi putri saking Rakai Bawa. Sejarawan Poerbatjaraka nganggep Rakai Bawa sami kaliyan Dyah Wawa. Kanthi mekaten, Mpu Sindok dipunanggep minangka mantu saking Dyah Wawa. Ananging, Rakai Baawa punika minangka nama sawijining jabatan, dene Dyah Wawa punika nam satunggaling tiyang, saengga kekalihipun boten saged dipunsebut sami.[2]

Stutterheim manggihaken tokoh Rakai Bawang Mpu Partha, inggih punika sawijining pejabat jaman pamarentahan Mpu Daksa. Miturut pamanggihipun, Mpu Partha punika langkung leres dipunsebut minangka bapak saking Dyah Kebi tinimbang Dyah Wawa.[2] Kejawi punika dipunpanggihaken ugi nama Rakryan Bawang Dyah Srawana ingkang saged ugi minangka bapak Dyah Kebi.[2]

Pamindhahan Ibu Kota Medang[sunting | sunting sumber]

Istana Kerajaan Medang nalika wiwit jumeneng dipunprakirakaken dumunung ing daerah Mataram (caket Yogyakarta sakmenika). Lajeng nalika masa pamarentahanipun Rakai Pikatan dipunpindhah ing Mamrati (daerah Kedu). Lajeng, nalika pamarentahanipun Dyah Balitung sampun pindhah malih ing Poh Pitu (taksih ing sekitar Kedu). Lajeng nalika jaman Dyah Wawa dipunprakirakaken wangsul malih ing Mataram.[2]

Mpu Sindok lajeng mindhah istana Medang ing wilayah [[Jawa Timur]. Wonten ing prasasti, piyambakipun nyebataken bilih kerajaanipun minangka kalajengan saking Kerajaan Medang ing Jawa Tengah. Kados ingkang dipunpanggihaken ing kalimat Kita prasiddha mangraksa kadatwan rahyangta i Bhumi Mataram i Watugaluh.[3]

Miturut teori van Bammelen, istana Medang ing Mataram risak akibat jeblugan Gunung Merapi ingkang sesarengan kaliyan gempa saha jawah material vulkanik. Boten dipunmangertosi kanthi pesthi punapa bencana alam punika kadadosan nalika jaman pamarentahan Dyah Wawa utawi jaman pamarentahanipun Mpu Sindok.[3]

Mpu Sindok mimpin penduduk Medang ingkang slamet pindhah tumuju ing sisih wetan. Piyambakipun mbangun ibu kota enggal ing daerah Tamwlang (prasasti Turyan, 929). Lajeng istana dipunpindhahaken ing Watugaluh (prasasti Anjukladang, 937). Tamwlang punapa dene Watugaluh dipunprakirakaken sakmenika wonten ing sekitar wilayah Jombang.[4]


Kapustakaan[sunting | sunting sumber]

  • Marwati Poesponegoro & Nugroho Notosusanto. 1990. Sejarah Nasional Indonesia Jilid II. Jakarta: Balai Pustaka
  • Slamet Muljana. 2005. Menuju Puncak Kemegahan (terbitan ulang 1965). Yogyakarta: LKIS
  • Slamet Muljana. 1979. Nagarakretagama dan Tafsir Sejarahnya. Jakarta: Bhratara

Cathetan Suku[sunting | sunting sumber]

  1. ^ a b [1]
  2. ^ a b c d e [2]
  3. ^ a b [3]
  4. ^ [4]
Didhisiki déning:
Dyah Wawa
Raja Kerajaan Medang
929? – 947
Diganti déning:
Sri Isana Tunggawijaya
Sumber artikel punika saking kaca situs web: "http://jv.wikipedia.org/w/index.php?title=Mpu_Sindok&oldid=835518"