Motinggo Boesje
| Motinggo Boesje | |
|---|---|
 | |
| Lair | 21 Novèmber 1937 Kupangkutha, Bandar Lampung |
| Pati | Juni 18, 1999 (umur 61) Jakarta, Jawa Kulon |
| Pakaryan | Penulis, Sastrawan, Sutradara |
Bustami Djalid utawi ingkang misuwur kanthi sebatan Motinggo Boesje ingkang miyos ing Kupangkota, Bandar Lampung tanggal 21 Novèmber 1937 lan séda ing Jakarta tanggal 18 Juni 1999 inggih punika salah satunggaling sastrawan ingkang misuwur ing Indonésia ugi dados sutradara saha seniman asal Indonésia.
Riwayat Pagesanganipun[besut | besut sumber]
Motinggo miyos saking tiyang sepuhipun Djalid Sutan Raja Alam saha Rabi’ah Ja’kub ingkang asalipun saking Minangkabau. Ibunipun asalipun saking Matur, Agam, déné bapakipun sakng Sicincin, Padang Pariaman. Sasampunipun rabi, piyambakipun saha garwanipun pindhah dhateng Bandar Lampung. Wonten ing mrika, bapakipun makarya dados klerek KPM ing Kupangkota, déné ibunipun ucal dados guru agama saha Basa Arab. Nalika yuswanipun 12 taun, tiyang sepuhipun sampun tilar dunya, lajeng Motinggo dipunrawat simbahipun ing Bukittinggi ngantos ngrampungaen sekolah tingkat SMA. Motinggo lajeng nerasaken kuliah wonten ing Fakultas Hukum Universitas Gadjah Mada nanging boten lulus.[1] Titik purwakanipun Motinggo remen ing babagan seratan dipunwiwiti nalika wonten perwira Jepang Yamashita rawuh wonten ing griyanipun kanthi maringi mesin tik. Mesin tik punika ingkang salajengipun dados kancanipun Motinggo kanggé nyerat sadaya pamanggihipun. Dramanipun ingkang kanthi irah-irahan Malam Jahanam (1958), pikantuk Bebungah dados jawara kaping pisan Sayembara Penulisan Drama Pérangan Kesenian Departemen P & K taun 1958 saha cerpenipun, "Nasehat buat Anakku", pikantuk bebungah saking kalawarta Sastra taun 1962. Karya-karyanipun kathah ingkang dipunserat malih ing basa sanèsipun, ing antawispun ing Basa Ceko, Inggris, Walanda, Prancis, Jerman, Koréa, Jepang, saha Mandarin. Dados satunggaling pujangga, karya-karyanipun ugi mlebet wonten ing antologi juru gurit Asia (1986) saha antologi juru gurit donya (1990). Ing sadangunipun gesangipun, Motinggo sampun kathah ngasilaken atusan karya-karyanipun ingkang cahipun sampun langkung saking 200 karyanipun ingkang ngantos sapunika taksih kesimpen wonten ing Kapustakan Konggrès ing Washington, D. C.. Di taman kutha Seoul, Koréa Kidul, namanipun kapacak éndah wonten ing antawisipun 1.000 juru gurit donya. Piyambakipun ugi sampun naté dados redaktur kepala Penerbitan Nusantara (1961-1964) saha Ketua II Koperasi Seniman Indonésia.
Asiling Karya[besut | besut sumber]
Tuladhanipun asiling karya saking Bustami Djalid, inggih kados makaten:[2]
- Malam Jahanam (novèl, 1962)
- Badai Sampai Sore (drama, 1962)
- Tidak Menyerah (novèl, 1963)
- Hari Ini Tak Ada Cinta (novèl, 1963)
- Perempuan Itu Bernama Barabah (novèl, 1963)
- Dosa Kita Semua (novèl, 1963)
- Tiada Belas Kasihan (novèl, 1963)
- Nyonya dan Nyonya (drama, 1963)
- Sejuta Matahari (novèl, 1963)
- Nasehat buat Anakku (kumpulan carkak, 1963)
- Malam Pengantin di Bukit Kera (drama, 1963)
- Buang Tonjam (legenda, 1963)
- Ahim-Ha (legenda, 1963)
- Batu Serampok (legenda, 1963)
- Penerobosan di Bawah Laut (novèl, 1964)
- Titian Dosa di Atasnya (novèl, 1964)
- Cross Mama (novèl, 1966)
- Tante Maryati (novèl, 1967)
- Sri Ayati (novèl, 1968)
- Retno Lestari (novèl, 1968)
- Dia Musuh Kulawarga (novèl, 1968)
- Sanu, Infita Kembar (novèl, 1985)
- Madu Prahara (novèl, 1985)
- Dosa Kita Semua (novèl, 1986)
- Aura Para Aulia: Puisi-Puisi Islami (1990)
- Dua Tengkorak Kepala (1999).
- Fatimah chen chen
Cathetan suku[besut | besut sumber]
- ↑ [1] Archived 2008-08-02 at the Wayback Machine. Bustami Djalid (dipunundhuh tanggal 21 Januari 2013)
- ↑ [ http://filmindonesia.or.id/movie/name/nmp4b9bad609624a_motinggo-boesje#.UP1ZQGHLiUQ Archived 2015-05-19 at the Wayback Machine.] Bustami Djalid (dipunundhuh tanggal 21 Januari 2013)