Moor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Duta Besar Negeri Moor kangge Ratu Elizabeth I saking Inggris
Belahan bumi utara nalika taun 467 Masehi nedahaken kerajaan Moor sasampunipun dhawahipun kekaisaran Roma

Moor utawi Bangsa Moor menika sebatan kanggé umat Islam lan muslim saking zaman tengahan ingkang mapan wonten ing Al-Andalus ( Semenanjung Iberian kalebet Spanyol lan Portugis ing zaman samenika ) ugi Maroko lan Afrika Barat [1]. Kabudayaan bangsa Moor menika dipunwastani Moorish. Tembung menika ugi dipunginakaken ing Eropa kanggé nedahaken tiyang ingkang gadhah keturunan Arab utawi Afrika. Nama Moor asalipun saking suku kuno Maure lan Kerajaan Mauritania.

Sejarah[sunting | sunting sumber]

Bangsa Moor menika sebatan kanggé umat Islam ing Semenanjung Iberia ingkang merintah Spanyol ing antawisipun taun 711 M dumugi 1492 [1]. Pemimpin Islam ingkang dumugi Spanyol kaping pisan menika Abd al-Rahman. Tiyang Kristen ing Semenanjung Iberia wiwit ngginakaken istilah Moor kanthi ekslusif kanggé umat Islam. Moor menika satunggaling tembung ingkang merujuk dhateng tiyang ingkang asalipun saking Maroko. Amargi umat ISlam ingkang kapisan dugi ing Spanyol ing taun 711 menika tiyang Arab ingkang asalipun saking Afrika Utara. Kejawi Moor, tembung kados Moriscos,, lan Mudejares ugi dipunginakaken kanggé sebatan bangsa Moor ing tengahan abad kaping 13 [1].

Bangsa Moor mapan wonten ing Andalusia, Spanyol ingkang nalika periode wiwitan sejarah kalebet wilayah Portuga; lan kiduling Prancis. Ing Ramadhan 732 M, umat Islam dipunkalahaken ing Tours-Poitiers, Prancis ingkang kawéntar kanthi sebatan The Pavement of the Martyrs utawi ing Basa Arab menika Balaat asSyuhad ingkang ateges tanah para syuhada. Akibat saking kalahing tentara Moors saking pasukan Karel Martel ( Charlemagne]] kasebut, kendali umat Islam ing wilayah Toulouse, Narbone, Lyon, lan wilayah Prancis Kidul sanèsipun ical dumugi taun 975 M. Sasampunipun Prancis boten kasil dipunkuwasani, umat Islam ing Spanyol damel pusat kawigatosan dhateng Andalusia, Spanyol Kidul kanggé mbangun sawijining peradaban[1].

Ing Spanyol, Bangsa Moor nikah kaliyan bangsa-bangsa sanès kalebet penduduk Spanyol-Muslim lan merintah kanthi wicaksana lan adil. Tiyang Kristen lan Yahudi dipun-toleransi saengga kathah saking kelompok kasebut ingkang gadhah jabatan wigati ing pamaréntahan, wonten ugi ingkang ndhèrèk agami Islam. Kejawi menika pikantuk ugi ngampahi pakaryanipun piyambak, nglayani tentara, ngolah lemah, ugi prkatek ajaran piyambak-piyambak [2][1].

Bibliografi[sunting | sunting sumber]

Cathetan suku[sunting | sunting sumber]

  1. ^ a b c d e [1], (id) bangkit dan jatuhnya Bangsa Moor (dipun-akses tanggal 05 Januari 2013).
  2. ^ [2], (id) Kebangkitan Bangsa Moor di Spanyol (dipun-akses tanggal 05 Januari 2013).
Sumber artikel punika saking kaca situs web: "http://jv.wikipedia.org/w/index.php?title=Moor&oldid=835935"