Momotaro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Momotarō kalihan kanca-kancanipun gelut nglawan raksesa.

Momotarō (桃太郎?) inggih menika cerita rakyat Jepang ingkang nyariosaken satunggaling laré jaler ingkang kuwat sanget kanthi nama Momotarō ingkang kesah kanthi ancas mbasmi raksesa. Dipunparingi nama Momotarō amargi piyambakipun wiyos saking woh persik (momo), déné "Tarō" menika nama ingkang padatanipun kagem tiyang jaler ing Jepang. Saking simbah putri (nenek), Momotarō pikantuk bekal kuwe kibidango. Ing mergi, anjing, monyet, lan manuk pegar ndhèrèk gabung minangka pendhèrèk Momotarō amargi dipunparingi kuwe kasebut. Ing cariyosipun samangké kéwan ingkang kepanggih wonten ing mergi paring pambiyantu anggènipun Momotarō tarung nglawan raksesa [1].

Ringkesan cerita[sunting | sunting sumber]

Wonten ing jaman rumiyin, wonten setunggal pasang simbah kakung lan simbah putri ingkang boten kagungan laré. Nalika simabh putri nembée umbah-umabh wonten ing lepen, dugi setunggal woh persik ageng sanget. Woh persik kasebut kéntér déning iliningtoya saking hulu kali (lèpèn). Woh persik menika lajeng dipunbeta kondur dhateng griya supados dipundhahar sesarengan kaliha simbah kakung. Nalika woh menika dipunsigar, wonten ing jroning woh persik medal satunggal laré jaler. Laré jaler kasebut dipunparingi nama Momotarō, lan dipunurus déning simbah kakung ugi simbah putri kados larénipun piyambak dumugi ageng. Momotarō tuwuh dados laré ingkang kuwat lajeng matur bilih gadhah kekajengan kanggé mbasmi raksesa. kala menika ing désa kasebut asring wonten kathah raksesa ingkang damel sisahing tiyang ing désa. Lajeng Momotarō kesah mbasmi raksesa mawi mbeta bekal arupi kuwe kibidango. Ing tengahing lelampahan tumuju pulo para raksesa, Momotarō kanthi urut kepanggih kalihan anjing, kethek (monyet) lan manuk pegar. Sasampunipun nampi kuwe saking Momotarō, anjing, kethek, lan manuk pegar kasebut kersa dados pendhèrèkipun Momotarō. Wonten ing pulo raksesa, Momotarō tarung nglawan raksesa kanthi pambiyantu saking kéwan ingkang kepanggih wonten mergi kala wau (anjing, kethèk, lan manuk pegar). Pungkasan cariyos ingkang menang menika Momotarō lajeng kondur kanthi mbeta bandha kagunganipun raksesa ingkang sampun kalah [2].

Cathetan suku[sunting | sunting sumber]

  1. ^ (id) Momotaro, (dipunakses tanggal 9 Februari 2013)
  2. ^ (id) Kisah Momotaro, (dipunakses tanggal 9 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Momotaro&oldid=836412"