Miyeokguk

Saka Wikipédia Jawa, bauwarna mardika basa Jawa
Miyeokguk, sup rumput laut.

Miyeokguk utawa sup miyeok (미역국) ya iku sup kas Koréa kang digawé saka miyeok (rumput laut coklat;Undaria pinnatifida).[1] Sup miyeok digawé saka godhokan kaldu balung sapi lan diwènèhi kecap.[1] Miyeok Koréa kang diasilake saka laut duwé kuwalitas apik lan biyaane dipangan nalika garing.[1] Tradisine wong Koréa mènèhi sup rumput laut marang ibu kang lagi nglairaké amarga dipercaya miyeok ngandhut bahan kang bisa nambah kandhutan asi.[1] Saliyané iku tradisi mangan sup miyeok uga ditindakake nalika ulang taun.[1][2] Biyèn bapak mertua kang ngenteni putune lair bakal tuku miyeok kang paling apik ing pasar.[1] Wujud miyeok kang dawa lan amba ya iku kang paling digoleki.[1] Sawisé tuku dhèwèké bakal gawa bali miyeok mau kanthi dipikul ing geger nganggo tali dami supaya ora remuk.[1] Tali dami dipercaya bisa nangkal gangguan arwah jahat.[1] Saliyané iku, yèn miyeok mau tugel calon ibu bakal kesusahan nglairaké anaké.[1]

Uga delengen[besut | besut sumber]

Réferènsi[besut | besut sumber]

  1. a b c d e f g h i j An Illustrated Guide to Korean Culture - 233 traditional key words. Seoul: Hakgojae Publishing Co. 2002. kc. 25. ISBN 89-8546-98-1. {{cite book}}: Check |isbn= value: length (pitulung)
  2. Korean Food: Soups, lifeinkorea. Diundhuh tanggal 3 Juni 2010.