Minato Mirai 21

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
kaendahan ing Minato Mirai 21.
Minato Mirai 21 lan Yokohama Landmark Tower.

Yokohama Minato Mirai 21 (横浜みなとみらい21? arti harfiah: Pelabuhan Masa Depan 21) utawi kondhang minangka Minato Mirai 21 lan Minato Mirai inggih menika proyèk pambangunan kawasan kutha modern ing Naka-ku, Yokohama, Prefektur Kanagawa, Jepang. Saking wiyaripun sedaya yaiku 1,86 km² (186 hektare), wilayah kanthi wiyar 0,76 km² (76 hektare) kalebet lemah reklamasi. Wonten ing Minato Mirai wonten gedung perkantoran, apartemen, pusat perdagangan, hotel, taman dolanan, gedung konvensi, muséum seni, lan gedung konser. Kawasan menika rumiyin dipunginakaken Mitsubishi Heavy Industries minangka galangan kapal dumugi dipunpindhah nalika taun 1983.[1] Minato Mirai menika tujuan wisata ingkang kawéntar ing Yokohama ugi papanipun caket kalihan Pecinan Yokohama.

Proyek mawi skala ageng menika kawiwitan nalika November 1983 lan mencakup dhaérah pesisir kanthi wiyar 110 hektare ingkang wonten ing antawisipun kalih pusat kutha ingkang kapisah. Katambah kalihan lemah asil saking reklamasi kanthi wiyar 76 hektare.[2] Kawasan Minato Mirai diperkirakan dapat mengakomodasi kira-kira 190.000 pekerja dan 10.000 pemukim baru.[2] Ingkang mekaraken kawasan menika Yokohama Minato Mirai 21 Corporation ingkang jumeneng nalika wulan Juli 1984. Ing wulan Februari 2009, perusahaan menika dipunbibaraken lan tanggel jawabipun dipunpindhah dhateng Badan Hukum kanthi nama sami, Yokohama Minato Mirai 21 Corporation. Ananging awujud asosiasi inkorporasi umum sanès perseroan terbatas malih.[3]

Sajarah[sunting | sunting sumber]

Kawasan Minato Mirai menika asiling pambangunan malih kawasan pinggir segara ing pusat kutha Yokohama. Dumugi wiwitan taun 1980-an, papan menika kaginakaken minangka galangan kapal déning Mitsubishi Heavy Industries, stasiun sepur (kereta api) barang, lan pelabuhan. Sadèrèngipun dipunbangun malih minangka Minato Mirai, kawasan menika ngapit kalih pusat kutha inggih menika pusat kutha ing kawasan sekitar Stasiun Yokohama lan pusat kutha ing distrik Kannai-Isezakichō. Proyek pambangunan malih Minato Mirai wiwitanipun kanthi ancas nyawijikaken kalih pusat kutha kasebut.[2]

Yokohama Landmark Tower kanthi dhuwur 296 meter menika gedung paling katingal ing Minato Mirai sarta bangunan paling inggil ing Jepang saking taun 1993.[4][5] Taman ing Landmark Tower dipunparingi nama Dockyard Garden amargi rumiyin kalebet dok garing ingkang jumeneng nalika periode Meiji.[6] Ing wulan Desember 1997, Dockyard Garden sampun dados Peninggalan Budaya Penting Jepang. Jam ing kincir ria Cosmo World nate pikantuk rekor donya minangka jam paling ageng ing donya.[7]

Fasilitas lan atraksi[sunting | sunting sumber]

Hotel[sunting | sunting sumber]

Cathetan suku[sunting | sunting sumber]

Pranala njawi[sunting | sunting sumber]

Logo Wikimedia Commons
Pirsani galeri bab Minato Mirai 21 ing Wikimedia Commons.

Koordinat: 35°27′29″N 139°37′55″E / 35.458°N 139.632°E / 35.458; 139.632

Sumber artikel punika saking kaca situs web: "http://jv.wikipedia.org/w/index.php?title=Minato_Mirai_21&oldid=840057"