Merlion

Saka Wikipédia Jawa, bauwarna mardika basa Jawa
Patung Merlion
Merlion

Merlion inggih punika reca satunggaling ikon Wisata Singapura. Reca Merlion dumunung wonten ing Merlion Park. Reca punika dipunyasa ing taun 1972 ingkang gadhah inggil 8,6 mèter, lokasinipun ing ngajenging lèpèn Singapura.[1] Merlion dipunrancang supados dados lambang Singapore Tourist Promotion Board (STPB)

Ing taun 2002 reca dipunpindhah saking panggènan aslinipun inggih punika saking Merlion Park ing sisih One Fullerton, dados ing ngandhap Marina Bay. Miturut Sajarah Melayu, nama Singapura dipunpendhet saking Sang Nila Utama, pangèran Melayu saking Palembang wiwit abad kaping-14. Nalika Sang Nila Utama lelayaran ing seganten, tumunten wonten lésus ingkang andadosaken praunipun kandhas wonten ing pulo. Sawekdal ing pulo punika, Sang Nila Utama ningali kéwan ingkang wujudipun mèmper kados singa. Pramila papan punika dipunparingi nama Singapura (tegesipun "kitha singa).

Gladri[besut | besut sumber]

Arsitektur Merlion[besut | besut sumber]

Merlion dipunrancang déning Mr. Fraser Brunner, anggota panitiya suvenir lan kurator ing Van Kleef Aquarium. Ndhas singa nglambangaken singa ingkang naté dipuntingali déning Pangèran Sang Nila Utama ingkang wonten ing “Sajarah Melayu”. Wuntut iwak Merlion nglambangaken kitha dangu Temasek (tegesipun seganten ing basa Jawi).

Kanthi inggil 8,6 mèter lan bobot 70 ton, reca Merlion dipunyasa saking campuran semèn déning seniman Singapura, almarhum Mr. Lim Nang Seng. Reca Merlion ingkang kalih langkung alit, ingilipun 2 mèter, lan 3 bobot ton, ugi dipunyasa déning Mr. Lim. Merlion dipunyasa dados lambang kanggé nyambut sedaya wisatawan ing Singapura.”

Wekdal punika, cacahipun wisatawan ingkang mirsani Merlion sampun wonten langkung saking satunggal yuta saben taunipun. Panggènanipun reca ingkang énggal inggih punika ing sisih One Fullerton, inggih punika taman ingkang wiyaripun 2.500 mèter pesagi ingkang nembé dipunyasa.[2]

Cathetan suku[besut | besut sumber]

  1. www.wisatasingapura.sg[pranala mati permanèn](dipuntingali tanggal 7 Oktober 2011)
  2. www.dalimunthe.com Archived 2011-11-10 at the Wayback Machine.(dipuntiganli tanggal 7 Oktober 2011)

Pirsani ugi[besut | besut sumber]

Pranala njawi[besut | besut sumber]