Menara Seoul N

Saka Wikipédia Jawa, bauwarna mardika basa Jawa

Menara Seoul N punika nama pemancar radio ingkang wonten ing Gunung Namsan, Seoul, Koréa Kidul. Gedung punika dipunyasa nalika taun 1969 lan dipunbikak kanggém masyarakat umum nalika warsa 1980 Menara punika dipunyasa kanthi biaya $2.5 juta kaliyan dados simbolipun kutha Seoul [1]. Menara ingkang kawéntar kaliyan nama Menara Namsan utawi Menara Seoul punika dipungantos dados Menara Seoul N awit saking ingkang gadhah punika kerjasama kaliyan CJ Corporation lajeng menara punika dipunparingi nama Menara Seoul N inggih punika nama resmi Menara Seoul CJ. Miturut info saking KBS World menara punika gantos nama énggal sasampunipun dipun-renovasi [2].

Fasilitas[besut | besut sumber]

Menara Seoul N kanthi inggil dumugi 236.7 m (777 kaki) saking dhasar lan wonten ing ketinggian 479.7 m (1,574 kaki) ing nginggiling lumah laut. Kathahipun para rawuh nitih kereta gantung Namsan kagem manginggil, lajeng mlampah sasampunipun dumugi menara. Menawi tindak dhateng tingkat langkung inggil punika saged ngginakaken lift kanthi kacepetan inggil. Ing mriku saged ningali éndahing kutha Seoul kanthi wiyar lan jelas saking balkon observasi. Mliginipun wonten ing balkon observasi punika saged ningali papan-papan ingkang kawéntar ing kutha Seoul kanthi piranti teleskop digital sesarengan kaliyan andharan babagan sajarahing kutha Seoul kanthi jangkep, médhia art digital, lan sanèsipun [3].

Menawi wanci dalu swasana ing Menara Seoul N katon langkung éndah amargi rerenggan lampu-lampu saking yasan, kendaraan kaliyan sanèsipun ingkang madhangi Kutha Seoul. Ing mriku ugi wonten restoran ingkang nyameptakaken dedhaharan Koréa lam Italia ugi restoran mubeng kanthi nama N Grill. Ingkang langkung menarik malih restoran mau saged mubeng sepindhah wonten jangka wekdal 120 menit saéngga damel para rawuh saged dhahar dedhaharan sinambi tilar 4 arah Kutha Seoul saking méja dhahar punika.

Kajawi sesawangan wonten ugi warna-warna karya seni, tèknologi cahya, lan manéka warna kagiyatan ingkang saé. Wonten ing menara punika wonten toko angsal-angsal lan griya dhahar utawi restoran wonten ing lantai ngandhap. Ing celakipun Menara Seoul N punika wonten ugi Menara Transmisi.

Tradisi Masang Gembok Cinta[besut | besut sumber]

Gembok Cinta

Gembok cinta utawi love lock punika gembok biyasa ingkang dipunpasang ing papan-papan ingkang sampun kasiapaken wonten ing Menara Seoul N. Gembok punika dipunpitadosi minangka lambang cinta pasangan kekasih. Miturut Koréa Times, tradisi punika kawiwitan nalika satunggaling pasangan ingkang gadhah inspirasi bab ingkang sami ing Menara Tokyo. Kajawi punika wonten pasangan selebriti ingkang damel janji ing papan punika kanthi cara masang gembok lajeng kuncinipun dipunguwang tebih saking nginggiling menara. Miturut mitosipun, manawi sampun pasang gembok pasangan punika bakal langgeng [4].

Cathetan suku[besut | besut sumber]

  1. [1], (id)http://www.koreanmaniac.com (dipun-akses tanggal 30 November 2012).
  2. [2][pranala mati permanèn], (id) http://rki.kbs.co.kr (dipun-akses tanggal 22 Oktober 2012).
  3. [3][pranala mati permanèn], (id)http://www.innikorea.com Archived 2013-04-09 at the Wayback Machine. (dipun-akses tanggal 30 November 2012).
  4. [4], (id) http://wolipop.detik.com (dipun-akses tanggal 30 November 2012).