Melaney Ricardo

Saka Wikipédia Jawa, bauwarna mardika basa Jawa
Melaney Ricardo Lynch
LairAgnes Melanie Siahaan
(1981-02-24) Fèbruari 24, 1981 (umur 43)
Medan, Sumatera Utara, Indonesia
BangsaIndonesia
PakaryanPanatacara
Panyiar radhio
Dhuwur175 cm (5 ft 9 in)
Wong tuwaRicardo Siahaan (ayah)
Sylvia Herawatie (ibu)
Sana jaringanhttp://twitter.com/melaneyricardo

Melaney Ricardo Lynch utawi langkung misuwur kanthi asma Melaney Ricardo (miyos ing kutha Medan nalika tanggal 24 Fèbruari 1981) inggih punika salah satunggalipun panatacara utawi presenter ing Indonesia ingkang gadhah profési sanès minangka panyiar radhio ingkang misuwur amargi kawasisanipun anggénipun micara.[1] Panjenenganipun ugi misuwur minangka artis ingkang kathah kawasisanipun.[2] Sanèsipun dados panyiar radhio lan panatacara, panjenenganipun ugi naté dados DJ (Disc Joki) lan mucal.[2] Melaney ugi naté nyobi jagad lawak ing Trans TV Studio 1 ing taun 2010.[2] Ing acara punika lawak punika, Melaney akting sesarengan kaliyan Aming, Indra Birowo, Ronal Surapradja, lan Nino Fernandez.[2]

Melaney Ricardo miyos ing kutha Medan nalika tanggal 24 Fèbruari 1981.[1] Nanging Melaney gesang ing Medan namung satunggal taun kemawon, amargi ramanipun, Ricardo Siahaan pindhah tugas dhateng Jakarta.[1] Melaney Ricardo punika putri kaping satunggal saking tiga sadhèrèk.[1] Rayinipun ingkang kapisan (kacékipun kalih taun) namanipun Nana Ricardo sapunika dados manager pribadinipun Melaney.[1] Rayinipun ingkang angka kaping kalih, Roy Ricardo ugi nyambut damel dados panyiar radhio.[1] Nalika alitipun Melaney kalebet lare ingkang sipatipun kados tiyang jaler.[1] Melaney gadhah garwa Tyson Lynch James, wargi nagari Australia, sasampunipun pacaran satunggal taun setengah, lajeng kekalihipun palakrami nalika tanggal 31 Juli 2011.[3][4]

Cathetan suku[besut | besut sumber]

  1. a b c d e f g Melaney Ricardo Si ”Buntelan Gendut” yang Jadi Selebriti (1) Archived 2011-11-17 at the Wayback Machine. dipunundhuh tanggal 21 September 2011)
  2. a b c d Melanie Ricardo dipunundhuh tanggal 21 September 2011)
  3. "Melaney Ricardo Akhirnya Bertemu Jodoh (2)". Diarsip saka sing asli ing 2012-03-15. Dibukak ing 2011-09-21.
  4. Melanie Ricardo pacaran setelah nikah

Pranala njawi[besut | besut sumber]

[Melanie Ricardo]