Mein Kampf

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mein Kampf
Ac.meinkampf.jpg
Samak Mein Kampf - Jilid 1 (Édisi kapisan)
Pangarang Adolf Hitler
Negara Jerman
Basa Jerman
Tipe Otobiografi, Pulitik
Penerbit Secker & Warburg
Tanggal terbit 18 Juli 1925
Jinis media Cithak (jilidan lan paperback)
Cacahing kaca 720 kaca

Mein Kampf iku sawijining buku sing ditulis déning Adolf Hitler lan kancané Rudolf Hess. Senadyan Rudolf Hess ngréwangi Hitler nulis buku iki, nanging dhèwèké ora disebut minangka penulis. Buku iki kasusun saka rong bagiyan. Bagiyan kapisan ditulis déning Hitler nalika dipenjara ing Landsberg am Lech sawisé Bierkeller Putsch utawa kudétané sing gagal, ing taun 1926. Bagiyan kapindho ditulis sawisé dhèwèké metu saka penjara. Saka taun 1926 nganti 1930, jilid loro iki didol pisah, mawa rega Reichsmark 12,- siji. Ing taun 1930 loro-loro dibundhel dadi sajilid waé.

Sajroning buku iki, Hitler nulis gagasané bab negara Jerman Raya. Dhèwèké uga nulis rencana-rencana masa ngarep bab wong Yahudi. Nalika Hitler munggah tahta ing taun 1933, sawetara rencana mau langsung diwujudaké. Kasilé antara liya yaiku Holocaust.

Wusanané antara taun 1925 lan 1934 bisa payu 240.000 èksemplar. Bubar Perang Donya II, ana 10 yuta èksemplar sing wis didol lan didum (mantèn anyar lan prajurit olèh gratis).

Sawisé Perang Donya II, buku iki ora kena dicithak ulang lan didol manèh ing Jerman lan Austria. Senadyan mengkono, yèn ndarbèni buku iki ora dianggep ilegal. Tuku buku iki utawa ngedol ing pasar loak uga ora ilegal. Ing Indonésia buku iki ya diterbitaké mawi pertalan ing basa Indonésia.


Ringkesan[sunting | sunting sumber]

Mein Kampf ing sawijining toko buku ing Indonesia
  • Rencana pasekuton Jerman lan Austria dadi negara siji.
  • Anti-sémitisme diwedhar déning Hitler.
  • Marxisme ditulis ala banget amerga konon dicipta déning wong Yahudi.
  • Paham nasional-sosialisme diwedhar.
  • Sawijining perang iku kudu adhedhasar "Ras" lan dudu golongan sosial.
  • Uni Sovyèt kudu dibubaraké lan sabagiyan tanahé diwènèhaké marang wong Jerman kanggo urip (Lebensraum)
  • Perang ing front loro iku ora apik kanggo bangsa Jerman, mula Jerman kudu pasekuton karo Britania Raya lan nyerang Uni Sovyèt.
  • Démokrasi lan parlemèn iku ala kanggo negara.

Sumber artikel punika saking kaca situs web: "http://jv.wikipedia.org/w/index.php?title=Mein_Kampf&oldid=813882"