Maudy Ayunda

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Maudy Ayunda
Lair Ayunda Faza Maudya
19 Desember 1994 (umur 19)
Flag of Indonesia.svg Jakarta Indonesia
Pagawéyan aktris
Taun aktif 2006 - samenika
Agama Islam

Ayunda Faza Maudia utawi kawentar mawi asma Maudy Ayunda inggih menika salah satunggaling artis Indonesia ingkang kawentar amargi dados paraga ing salah satunggaling film ingkang irah-irahanipun Untuk Rena ing taun 2006.[1] Maudy Ayunda lair ing Jakarta, 19 Desember 1994; umur 19 taun.[1] Maudy Ayunda menika putranipun Muren Jasmedi.

Karier[sunting | sunting sumber]

Kawentaripun Maudy Ayunda dados artis ing Indonesia dipunwiwiti lumantar film Untuk Rena ingkang maèn sareng Surya Saputra ing taun 2006.[2] Ing film kasebat, Maudy Ayunda dados Rena.[2] Ing film ingkang nyariosaken satunggaling bocah ingkang dipunrumati ing panti asuhan menika, Maudy ugi nembangaken setunggal lagu ingkang irah-irahanipun Rumah Matahari. [3] Déné ing film Sang Pemimipi, Maudy dados paraga minangka kenya Melayu ingkang asmanipun Zakiah Nurmala.[4] Ing film Rumah Tanpa Jendela, Maudy pikantuk paraga dados Andini inggih menika salah satunggaling kenya saking kulawarga ingkang sugih lan nggadhahi rayi ingkang keterbelakangan mental.[5] Déné ing film Tendangan dari Langit, Maudy dados Indah, inggih menika kenya ingkang ditresnani déning Wahyu minangka paraga utama ing film kasebat. Ing film Malaikat Tanpa Sayap, Maudy kedah akting dados Mura inggih menika kenya ingkang kagungan penyakit jantung. Ing film menika Maudy kedah mbangun chemistry kaliyan Adipati Dolken minangka lawan maénipun.[6]

Kejawi maèn film, Maudy ugi dados penyanyi. Ing taun 2011, piyambakipun medalaken setunggal album musik ingkang dipunwedalaken ing sangandhaping label Trinity Optima Production.[2] Irah-irahanipun inggih menika Panggil Aku mawi lagu utama Tiba-tiba Cintang Datang.[2] Ing album ingkang sepisanan menika, Maudy nyumbangaken lagu ingkang dipunripta piyambak, ugi nggandhèng sawetawis musisi ingkang sampun ahli ngripta lagu, kadostaè Pasha UNGU, Merry LC, Bemby Noor, lan taksih kathah malih.[7] Déné lagu ingkang kaping kalih, maudy medalaken lagu ingkang irahé-irahanipun Aku Atau Temanmu ingkang ugi nggadhahi tema katresānan ingkang dipunalami déning para mudha.[7]

Kejawi pinter akting lan nembang, maudy Ayunda ugi nggadhahi karemenen nyerat.[7] Nalika taksih umur 10 taun Maudy sampun ndamel buku kempalan dongèng anak ingkang irah-irahanipun a Forest of Fables lan sedaya ksil saking nyadé buku menika dipunsumbangaken dhateng korban tsunami Aceh.[7]

Filmografi[sunting | sunting sumber]

Video klip[sunting | sunting sumber]

Diskografi[sunting | sunting sumber]

  1. Tiba-Tiba Cinta Datang
  2. Panggil Aku Sayang
  3. Aku Atau Temanmu
  4. I Love You Tapi Bohong
  5. Tetap Bersama
  6. Kusimpan Dalam Mimpi
  7. Aku Percaya
  8. Ajari Aku Cinta
  9. Biar Kusimpan Rasa Ini
  10. First Love


Cathetan suku[sunting | sunting sumber]

  1. ^ a b (id)Profil Maudy Ayunda(dipunundhuh 8 Februari 2013)
  2. ^ a b c d (id)Biografi Maudy Ayunda(dipunundhuh 8 Februari 2013)
  3. ^ (id)Panggil Aku, Maudy seratus persen Remaja(dipunundhuh 8 Februari 2013)
  4. ^ Maudy Ayunda : Memilih Sekolah Daripada Akting (dipunundhuh 4 November 2009)
  5. ^ (id)Maudy Ayunda kesulitan nangis di Rumah Tanpa Jendela(dipunundhuh 14 Februari 2013)
  6. ^ (id)Filmografi Maudy Ayunda(dipunundhuh 14 Februari 2013)
  7. ^ a b c d (id)Maudy Ayunda(dipunundhuh 19 Februari 2013)
  8. ^ a b c d e f g (id)Maudy Ayunda(dipunundhuh 8 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Maudy_Ayunda&oldid=836556"