Masjid Al-Ittihad Jatibarang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Masjid Al-Ittihad Jatibarang

Masjid Al-Ittihad iku salah siji masjid sing dumunung ing désa Jatibarang Lor, kecamatan Jatibarang, kabupatèn Brebes.

Prosès Pembangunan[sunting | sunting sumber]

Pembangunan Masjid Al-Ittihad diwiwiti tanggal 6 Maret 2001 lan rampung sarta diresmèkaké ing tanggal 3 Maret 2008. Pembangunan sing direncanakaké rampung jroning 4 taun iku wusanané mundur saka jadwal amarga mundhaké reregan bahan-bahan bangunan.

Masjid iki madeg ing palemahan sing jembaré 5.000 mèter pesagi lan bisa nampung kurang luwih 10.000 jamaah. Masjid Al-Ittihad arupa asil relokasi saka masjid sing biyèn ana ing sisih kidul pasar Jatibarang.

Wujudé masjid[sunting | sunting sumber]

Masjid iki nduwèni loro menara sing dhuwuré kurang luwih 40 m kanthi kubah gedhé sing dikubengi déning 8 kubah cilik-cilik. Masjid mawa jogan rong tingkat iki duwé 1 mimbar khotbah, 1 mihrab pangimaman, 4 pilar panyangga utama, 2 papan wudhu, 2 MCK, 3 kantor pengurus, 1 perpustakaan, lan plataran ngarep masjid dadi taman lan panggonan parkir.


Koordinat: 6°57′52″S 109°3′16″E / 6.96444°S 109.05444°E / -6.96444; 109.05444