Masakan Nabe

Saka Wikipédia Jawa, bauwarna mardika basa Jawa
Nabe

Masakan nabe (鍋料理 Naberyōri?, masakan panci) utawa mung diarani Nabe, ya iku sawijining masakan Jepang kang dimasak lan disuguhake ing panci gedhé. Ing basa Jepang, nabe tegesé panci. Panci diselehake ing ndhuwur kompor cilik utawa plat kang panas kang ana ing meja. Sinambi dimasak nganggo panci utawa wadhah saka keramik kang jenenge donabe, lan panganan disuguhake ing ndhuwur meja langsung karo pancine.

Masakan nabe kalebu jinising masakan steamboat kang disuguhake kanggo sapérangan wong kang lungguh ngubengi panci kang isiné panganan. Yèn arep mangan, wong kudu njupuk dhéwé saka panci banjur dipindhah ing mangkoke dhéwé-dhéwé. saliyané diarani Naberyōri, panganan iki uga diarani Nabemono (鍋物, なべ物 bekakas panci?). Panganan iki kawentar minangka panganan mangsa adhem ing Jepang.

Sadurungé jaman Edo, wong Jepang duwé kabudayan mangan "sawong sanampan". Nalika iku, masakan nabe disuguhake kanggo wong siji utawa loro. Nalika jaman Meiji, masakan nabe dadi misuwur mligine masakan nabe daging sapi kang diarani gyūnabe.

Jinis[besut | besut sumber]

Sukiyaki kalebu jinisaing masakan Nabe
  • Yosenabe
Nabe kang isiné pangana laut lan janganan, nanging bumbune ora padha ing saben-saben wewengkon ing Jepang.
  • Yūdōfu (tahu godhog)
Nabe kang isiné tahu lan janganan.
  • Kamonabe (nabe bèbèk)
Nabe kang isiné daging bèbèk lan janganan.
  • Mizudaki
Nabe kang isiné daging pitik lan janganan.
Nabe kang isiné manéka warna jinis daging, lan padatan minangka panganane sumo
Nabe kang isiné daging sapi.
  • Botan nabe
Nabe kang isiné daging cèlèng.
  • Motsu nabe
Nabe kang isiné jeroan.
  • Tetchiri
Nabe kang isiné iwak fugu.
Nabe kang isiné manéka warna bahan kang digodhog ing duduh.
Irisan daging sapi kang tipis banget lan diclupake ing panci isiné jarang.
  • Jōyanabe
Nabe kang isiné daging babi lan jangan-janganan ijo.
  • Kakinabe
Nabe kang isiné tiram lan janganan.
  • Mizorenabe
Nabe kang isiné tahu lan parutan lobak.
Nabe kas masakan Koréa nganggo kimchi.
  • Thainabe
Nabe cara masakan Thailand.
Nabe cara Tionghoa

Pranala njaba[besut | besut sumber]