Masakan Liguria
Masakan Liguria (cucina Ligure) inggih punika masakan ingkang asalipun saking regione Liguria, Italia.[1] kados ta kathah jénis masakan Italia sanès, tradisi kulinèr Liguria ginaakén bahan-bahan ingkang prasaja lan kualitas ingkang paling ségér. Masakan Liguria ginaakén bahan herba-herba wangi, sayur-sayuran, lenga zaitun, lan makanan laut. ing jaman biyèn règione punika sampun dipuntepang dados panggènan ingkang gadhah asil kue lan biskuit tradhisional.
Masakan khas[besut | besut sumber]
- Pesto, saus ingkang kagamel saking campuran pinten-pinten bahan kados ta basil, bawang putih, peterseli, kacang cemara, keju lan lenga zaitun. Pesto inggih punika saus pasta kados ta fettucine utawi spaghetti.[2]
- Aggiada, roti bawang putih ingkang dipunsajikan kaliyan iwak goreng lan sayuran rebus.
- Marò, kacang parang (broad beans) ingkang dipunsajiaken kaliyan keju, lenga zaitun, bawang putih lan mint.
- Buridda, masakan sup iwak.
- Cima, daging ingkang dipunisi kaliyan sayuran lan herba.
- Focaccia genovese utawi fugassa, roti panggang wujud pizza ingkang dipunparingi topping herba utawi pinten-pinten bahan sanès.[3]
- Farinata, sajinis panekuk utawi crêpe khas Genoa.
- Pandolce genovese, kue ingkang kagawe saking mentega, potongan manisan buah, kismis
- Amaretti, jinis biskuit ingkang asalipun saking kutha Sassello.
- Gobelletti, biskuit khas Rapallo.
- Canestrelli, biskuit mentega khas Genoa.
Ombenan[besut | besut sumber]
Liguria gadhah 20 jinis anggur ingkang dipunkategoriaken ing status kualitas DOC (Denominazione ing origine controllata) lan DOCG (Denominazione di Origine Controllata e Garantita). Anggur kaliyan reputasi ingkang sepuh inggih punika Rossese ing Dolceacqua lan Cinque Terre Sciacchetrà. Rossese ing Dolceacqua yingkang angsal status DOC ing taun 1972 inggih punika anggur abang ingkang dipunproduksi saking daerah Dolceacqua. Cinque Terre Sciacchetrà inggih punika jinis anggur raosipun buah ingkang ideal kanggé aperitif utawa anggur dessert. Cinque Terre Sciacchetrà dipunkasilken ing kawasan Riomaggiore, Monterosso, Vernazza lan La Spezia.
Cathetan suku[besut | besut sumber]
 |
- ↑ The Ligurian cuisine, liguriafoods. Diaksès nalika 7 Novèmber 2012.
- ↑ How to Make Pesto like an Italian Grandmother Recipe, 101cookbooks. Diaksès nalika 07 Novèmber 2012.
- ↑ Focaccia genovese, academiabarilla. Akses:07-11-2012.