Marning

Marning menika kalebet salah sawijining panganan tradhisional ingkang asalipun saking woh jagung ingkang dipungoreng. Marning menika saged kangge camilan. Marning menika wonten macem-macem kadosta marning gurih, marning pedes, marning asin, lan wonten ugi marning ingkang legi.

Caranipun damel marning jagung

Menika caranipun damel marning jagung

1. Jagung dipunresiki ngangge toya. Lajeng dipungodhog kaliyan kapur sirih dumugi jagungipun pecah.
2. Menawi sampun pecah lajeng dipunsaring saking toya godhoganipun lajeng dipunadhemaken.
3. Menawi sampun adhem marning menika dipunwisuhi dumugi kapur sirih menika ical dumugi resik.
4. Lajeng dipungodhog kanthi tambahan uyah. Dumugi raos uyahipun mlebet wonten jagung.
5. Menawi sampun cekap anggenipun nggodog, jagung dipunangkat banjur dipunadhemaken.
6. Dipunpepe wonten ing ngandhaping srengéngé dumugi garing.
7. Menawi sampun garing lajen dipuncampur kaliyan bumbu. Bumbunipun menika gumantung kaliyan raos ingkang dipunremeni saged dipuncampuri bawang, lombok, uyah , gula pasir utawi gula Jawa lansapinunggalipun ingkang dipunuleg dados satunggal miturut karemenanipun piyambak-piyambak.
8. Menawi sampun kacampur lajeng dipungoreng dumugi mateng.