Marco Simoncèlli

Saka Wikipédia Jawa, bauwarna mardika basa Jawa
(Kaelih saka Marco Simoncelli)
Marco Simoncelli

Simoncelli during post-season testing in Valencia in 2009.
Kabangsan Italia
Tanggal lair (1987-01-20) Januari 20, 1987 (umur 37)
Papan lair Cattolica, Italia
Current team
Nomer motor 58
Website marcosimoncelli.it

Marco Simoncelli (lair 20 Januari 1987; umur 37 taun) inggih punika salah satunggalipun pembalap MotoGP ingkang asalipun saking Italia.[1] Panjenenganipun misuwur minangka pembalap ingkang garang. Karieripun dipunwiwiti ing balapan Italian Minimoto Championship.[1] Nalika samanten, Simoncelli yuswanipun taksih enem sanget inggih punika nembé 9 taun.[1] Taun dhateng 2001 panjenenganipun pindhah dhateng balapan European 125 cc lan pikantuk gelar juwara ing taun 2002.[1] Taun 2002 panjenenganipun miwiti karieripun ing balapan Grand prix.[1] Ngantos tigang taun dangunipun panjenenganipun ndhèrèk ing kelas GP125cc, nanging Simoncelli namung saged pikantuk posisi kaping gangsal nalika taun 2005.[1] Sukses menang ngantos kaping tiga cacahipun lan minggah podium ngantos ping pitu saking 50 balapan.[1] Taun 2006 ing kelas GP250cc, panjenganipun dados satunggalipun pembalap tim Gilera ingkang saged nedahaken asil ingkang saé piyambak ing balapan punika.[1] Inggih punika dados juwara donya ing taun 2008 kanthi 280 poin.[1] Simoncelli menangaken 22 podium saking 22 podium saking 64 seri ingkang dipundherekaken. Nanging ing taun 2009, Simoncelli boten sukses kados wekdal saderengipun, ngantos pungkasanipun nalika taun 2009 Simoncelli namung pikantuk urutan kaping tiga klasemen.[1] Asil punika ingkang saged narik kawigaten tim Honda Gresini ingkang salajengipun ngrekrut Simoncelli minangka pembalapipun ing taun 2010.[1]

Tilar donya[besut | besut sumber]

Éman sanget karier Simoncelli purna ing taun 2011 ing balapan MotoGP Malaysia 2011 ing Sirkuit Internasional Sepang, Kuala Lumpur nalika tanggal 23 Oktober 2011.[2] Panjenenganipun tilar donya amargi nandhang kacilakan kaliyan Colin Edwards nalika panjenenganipun ing posisi kaping sekawan nalika puteran kaping kalih.[2] Simoncelli dhawah nalika taksih mbelok ing tikungan kaping sawelas Sirkuit Sepang lan ketabrak motor Edwards.[2] Simoncelli dipunpawartosaken tilar donya tabuh 16.56 wekdal Malaysia.[2] Panjenenganipun tilar donya amargi tatu ingkang serius.[2]

Cathetan suku[besut | besut sumber]

  1. a b c d e f g h i j k "Biografi Si Pembalap Marco Simoncelli". Diarsip saka sing asli ing 2011-12-28. Dibukak ing 2011-10-24.
  2. a b c d e "Race Direction press conference: Marco Simoncelli". Diarsip saka sing asli ing 2014-11-12. Dibukak ing 2011-10-24.

Pranala njawi[besut | besut sumber]